Proverbs 29:10 - De Beebaa Dabu

¹⁰ De gau daa dangada e kino i tangada e hai hegau i de heohi, gai gilaadeu e ssala tangada heohi e daa gi magau.

Proverbs 29:10 Referans Kwoze

Romans 10:1

Denga daina, dogu lodo donu ma dagu dalodalo ange gi de Maadua, i hiidinga o dangada o Israel, deenei: gilaadeu gi hagamouli.

Acts 7:60

Gai Stephen ga duuduli ga basa i de leo mmahi ga hagadaba, “Tagi Maolunga, koe gi dee dau ina ange sala nei gi gilaadeu.” Gai ga lava huu i dana tala muna nei, gai ia gu magau.

John 5:34

Au e dee kave muna a dangada e tala; aagai au e tala muna nei gi hagamouli ai goodou.

Luke 23:34

Gai Iesu ne hagadaba, “Tamana, degi ange gi gilaadeu; go hiidinga gilaadeu e dee iloo donu alaadeu mee e hai.”  Gai gilaadeu ne dada ga duha ai ono malo.

2 Chronicles 18:7

Gai de hodooligi o Israel ne hai ange gi Jehoshaphat, “E dahi ange daane adaau e maua i de hai ia gi saalaa gi iloo lodo o Tagi Maolunga, dono ingoo go Micaiah, tama daane a Imlah; aagai au e kino i de ia, go hiidinga ia e dee haihai donu ga tala mai dahi mee danuaa gi de au, gai go mee baubau donu huu.” Gai Jehoshaphat ga hai ange, “E dee danuaa donu de tala a de hodooligi hanu muna bee naa.”

1 Kings 22:8

Gai de hodooligi o Israel ne hai ange gi Jehoshaphat, “E dahi ange daane adaau e maua i de hai ia gi saalaa gi iloo lodo o Tagi Maolunga, dono ingoo go Micaiah, tama daane a Imlah; aagai au e kino i de ia, go hiidinga ia e dee haihai donu ga tala mai dahi mee danuaa gi de au, go mee baubau donu huu.” Gai Jehoshaphat ne hai ange, “E dee danuaa donu de tala a de hodooligi hanu muna bee naa.”

1 Kings 21:20

Ahab ne hai ange gi Elijah, “Dogu hagadaumee, koe gu gidee ange naa hogi au?” Elijah ne hai ange, “Au gu gidee goe, go hiidinga koe gu lava i de hagao ange goe gi de baubau i mada luu mada o Tagi Maolunga.

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.

Jeremiah 18:20

E aha, e heohi de sui ange tanuaa i de baubau? Aagai gilaadeu gu geli dahi geelinga moogu. Koe gi manadua dogu duu i mada luoo mada ga dangidangi ai i olaadeu hiidinga gi dee humai ai doo lili i gilaadeu.

Psalm 59:2

Hagaola ina mai au i gilaadeu e haia de baubau, ma de hagamouli au mai i gilaadeu e daia dangada gi maakau.

Proverbs 29:9

Noo tangada heiangi e gaavange dahi dangada lodo senga gi de hainga, gai tangada lodo senga e lili naa donu huu ma de gadagada, gai e dee tuu naa donu de hagalongaa.

Proverbs 29:27

Tangada heohi e kino i tangada baubau, gai tangada baubau e kino i tangada e haia de mee heohi.

Proverbs 13:19

E hagamalangilangi de hai ga bei lodo o tangada, aagai tangada lodo senga e dee lodo e hano gee mai i de baubau.

Jeremiah 38:7

Aagai Ebed-Melek taane Ethiopia, de eunuch e noho laa i de hale o de hodooligi, ne langona bolo gilaadeu gu tili ange Jeremiah gi lo te mommee e hagasahu ange aagena vai — gai de hodooligi e noho i gaogao de Haitoga o Benjamin —

Jeremiah 38:13

gai gilaadeu ga hai daula laa ga dada age ai Jeremiah i lo te mommee e hagasahu ange aagena vai. Gai Jeremiah ne noho i lo te buibui o de gau hagaloosi.