Proverbs 28:28 - De Beebaa Dabu

²⁸ De masavaa naa huu o de gau baubau e sula ai ga mmahi, gai dangada ga mmuni; aagai de masavaa naa huu olaadeu e maakau ai, gai gilaadeu e heohi gu hagadagadaga age.

Proverbs 28:28 Referans Kwoze

Proverbs 29:2

De masavaa olaadeu e heohi e hagadagadaga age ai, gai dangada e malangilangi; aagai de masavaa naa huu o tangada baubau e dagi ai, gai dangada e duasala.

De Beebaa go Job 24:4

Gilaadeu e sseu gilaadeu e duasala gi hulo gee i honga de haiava, gai e hai de gau hagaau aloha alodahi i honga henua gi hulo gi mmuni.

Proverbs 28:12

De masavaa naa huu o de gau heohi e kii ai, gai dangada gu malangilangi; aagai de masavaa o de gau baubau e ssula ai, gai dangada e hulo ga mmuni.

Esther 8:17

Gai de gau Ssuu e nnoho laa i denga vaaenga ma denga aduhale alodahi ne kave laa aagena de hagailoo a de hodooligi, gu llodo danuaa ma de malangilangi, gai gilaadeu ga daonga ma de malangilangi. Gai dangada soa o de henua laa gu hai gi ni dangada Ssuu, i hiidinga gilaadeu gu maatagu i de gau Ssuu.

Proverbs 28:27

Tangada e abodonu ange laa gi de gau hagaau aloha e dee duasala naa donu; aagai tangada e dee anga ange gi gilaadeu, e duu ange naa gi denga hagamalaia lagolago.

Proverbs 29:1

Be goai e hagaseegina i hanonga lagolago, gai e hagamakaga ono lodo, e daa hagalele naa donu dono lagohia — gai ia e dee ieiangi naa donu.

2 Chronicles 22:12

Gai tama daane laa ne noho madali Jehosheba ma dono bodu i lo te hale o de Maadua ga mmuni ai i e ono ngadau, i de masavaa o Athaliah e hodooligi ai i de henua.