Proverbs 28:15 - De Beebaa Dabu

¹⁵ Tangada baubau e dagina laa de gau hagaaloha e bei de laiono e hagangolo laa aabe go de bea e hebagi ange laa gi tangada.

Proverbs 28:15 Referans Kwoze

Matthew 2:16

De masavaa huu a Herod ne iloo ai bolo de gau heiangi laa gu daahanga ia, gai ia gu lili mmao, gai ia ga hai hanu gi hulo gi Bethlehem, gi daia ai gi maakau denga gauligi daane alodahi gu dagilua laa olaadeu ngadau ga hano iho ai, aama mommee alodahi e paa ange gi kilaa. Ia ne kumi ange gi dana masavaa ne hagadonu ai mee laa i daho denga daane heiangi.

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

Proverbs 20:2

De bole o de hodooligi e bei de hagangolo o de laiono; tangada e haia ia ga lili e daa donu ga magau.

Proverbs 19:12

De bole o de hodooligi e bei de hagangolo o de laiono, aagai dono abodonu e bei de mee suungia e hano iho laa gi honga helii.

2 Kings 21:16

Gai Manasseh ne soa hogi dangada tigi haisala aana ne daa ga maakau, ma de hai ga dohu Jerusalem alodahi i olaadeu dodo; gai e dee deenei donu huu, gai ia ne hai hogi dangada i Judah gi haia de baubau, ga hagahaisala ai gilaadeu i mada luu mada o Tagi Maolunga.

Exodus 1:22

Gai Pharaoh ga hagailoo ange gi dangada alodahi, ga hai ange, “Goodou diiloo mage gaavee denga gauligi daane alodahi e haanau i daho de gau Hebrew, mage dilia ange gi lo te saalingaa vai go Nile, gai hagaola ina alaadeu gauligi haahine.”

Hosea 13:8

Au e lele ange naa ga gadigadi gilaadeu bei hegau a de bea gu gaavee laa ana dama. Au e gai naa gilaadeu bei hegau a de laiono; gai dahi manu alasala e hangahanga naa gilaadeu.

Hosea 5:11

Ephraim gu hagahai ngadaa ina, ma de maoha i de hagaduasala, ia gu hagammahi e daudali i denga diinonga.

Proverbs 17:12

E danuaa ange doo hedae ange gi dahi bea hahine gu gaavee gee laa ana dama, i doo hedae ange gi dahi dangada lodo senga e hai hegau laa i dono lodo senga.

2 Kings 15:16

De masavaa laa gai Menahem ne humai i Tirzah ga hebagi ange gi Tiphsah, ma dangada alodahi i de aduhale ma ono mommee alodahi, go hiidinga gilaadeu tee llodo e hhuge ono haitoga. Ia ne oha Tiphsah ma de hangahanga dinae o denga haahine hai tama alodahi.

2 Kings 2:24

Gai ia ga huli dua gu gidee e ia gilaadeu, gai ia ga hagamalaia gilaadeu i de ingoo o Tagi Maolunga. Gai e lua bea haahine ga ssao mai, i lodo mee muimui ga hangahanga e dinohaa ma dogolua gauligi daane, i magavaa o denga gauligi laa.

Proverbs 29:2

De masavaa olaadeu e heohi e hagadagadaga age ai, gai dangada e malangilangi; aagai de masavaa naa huu o tangada baubau e dagi ai, gai dangada e duasala.

Exodus 1:13

ga hai de gau Israel gi hai hegau kona,

Isaiah 14:5

Tagi Maolunga gu hhadi de laagau a tangada baubau, ma togo o denga dagi,

Isaiah 14:6

go de mee alaadeu e daa ai dangada i hanonga lagolago i delaadeu llili, ma de dagi denga huaahenua i de lili, aama tee tuu de vaivai hai gilaadeu.

Zephaniah 3:3

Denga dangada aamua e bei denga laiono e hagangolo laa, ono dagi e bei denga wolf i de ahiahi, gilaadeu e dee dugu hanu mee gi doe gi taiao age.