Proverbs 28:13 - De Beebaa Dabu

¹³ Tangada e hagamuunia ono haisala e dee hagadagadaga ange donu, aagai tangada e daalaa ma de tili ono haisala, de Maadua e abodonu ange naa gi de ia.

Proverbs 28:13 Referans Kwoze

De Beebaa go Job 31:33

noo au e dee tala dagodo o ogu haisala bei de gau ange laa, gai e hagammuni ogu baubau i ogu lodo,

De Beebaa go Job 33:27

Gai ia e daahili naa i madamada o dangada, ga hai ange, ‘Au gu haisala, au gu hano gee i de mee heohi, aagai de Maadua tee hagaduasala donu au.

Acts 26:20

Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.

Psalm 51:10

De Maadua, hagagilimalali ina ogu lodo, gai hagahoou ina de hagasaalunga heohi i ogu lodo.

Genesis 4:9

Gai Tagi Maolunga ga ssili ange gi a Cain, “I hee iai doo daina go Abel?” Gai ia ga hai ange, “Au e dee iloo, gu aha, go au e diiloo ange dogu daina?”

Proverbs 10:12

De kino i dangada e hagahale tee buni o dangada, aagai de aloha e haoli denga haisala alodahi.

1 Samuel 15:30

Gai a Saul ga hai ange, “Ni muna abodonu au gu haisala. Gai koe hagadubu ina donu huu au i madamada o denga dagi o dangada ma de gau Israel alodahi. Ahe mai madali au, gai au ga daumaha ange ai gi Tagi Maolunga doo Maadua.”

1 Samuel 15:24

Gai a Saul ne hai ange gi Samuel, “Au gu haisala, gai au gu hagahaisala muna a Tagi Maolunga aama au muna, i hiidinga au ne madagu i denga daane hebagi, gai au ga hagallongo ange gi gilaadeu.

Proverbs 17:9

Tangada e degi ange laa gi haisala o dahi e ssala de hagadau aaloha, aagai tangada adi longo e vvae magavaa o denga hai soa.

1 Samuel 15:13

Gai de masavaa huu o Samuel ne hano ai ga dae gi daho Saul, gai a Saul ga hai ange gi de ia, “Tagi Maolunga gi hagamanuuia ina goe; au ne hagassula donu muna a Tagi Maolunga.”

Leviticus 5:5

Gai de masavaa naa huu o tangada e iloo ai bolo ia gu haisala i mee nei, gai ia gi daalaa bolo ia gu haisala i de mee laa,

2 Samuel 12:13

Gai David ne hai ange gi Nathan, “Au gu haisala ange gi Tagi Maolunga.” Nathan ne hai ange, “Tagi Maolunga gu degi adu gi oo haisala; koe e dee magau naa donu.

2 Samuel 14:32

Absalom ne hai ange gi a Joab, “Au ne aalu adu goe gi humai gi ogu daha, gai au ga hai ai goe gi hano gi siilia ange gi de hodooligi, ‘Gu aha gu aalu adu ai laa goe au gi humai i Geshur? E danuaa ange noo au ne noho donu huu i kilaa.’ Deenei ai, gaavee au gi daho de hodooligi; gai noo ia e hagadaba bolo au gu haisala, gai ia gi daia donu au gi magau.”

Ezra 10:11

Deenei ai, iainei gai goodou daalaa ange oodou haisala gi Tagi Maolunga, de Maadua o oodou dubuna madagidagi, gai goodou haia ono lodo; goodou vaaea gee goodou mai i dangada o de henua nei aama mai i denga haahine henua gee.”

Nehemiah 9:2

Gai de gau Israel ne vvae gee gilaadeu mai i de gau henua gee alodahi, ga tuu ga tala olaadeu haisala aama baubau o olaadeu dubuna madagidagi.

Jeremiah 2:35

gai koe e hagadaba, ‘Au tigi haisala donu; ia e dee lili donu i de au.’ Tilo, au e hagaduasala naa goe i hiidinga koe e hagadaba, ‘Au tigi haisala donu.’

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Judges 10:15

Aagai de gau Israel ne hai ange gi Tagi Maolunga, “Gimaadeu gu haisala; haia be dee hee dau hai e hai ai gimaadeu; aagai gimaadeu e dangidangi adu, koe gi hagaola ina gimaadeu ailaa nei.”

2 Kings 20:15

Isaiah ne ssili ange, “Gai ni aha alaadeu ne gidee laa i doo hale?” Gai Hezekiah ne hai ange, “Gilaadeu ne gidee mee alodahi i dogu hale; teai donu se mee daudahi i lodo ogu mommee doange, aagu tee hagaago ange gi gilaadeu.”

2 Chronicles 6:26

De masavaa naa huu aau e daohi ai gi dee pala de langi, i hiidinga gilaadeu gu haisala adu gi de goe, gai noo gilaadeu e huuhuli mai gi de hale nei ga dalodalo ai, ga hagadubu doo ingoo, ma de tili olaadeu haisala, i hiidinga dau hagaduasala gilaadeu,

Ezra 10:2

Gai Shecaniah tama daane a Jehiel, o de aamuli o Elam, ga hai ange gi Ezra, “Gimaadeu gu haisala ange gi taadeu Maadua, gimaadeu gu hai bodu ange gi denga haahine henua gee. Aagai e dee galemu demaadeu hai de hegau nei, gai goi dahi donu tali a de gau Israel.

De Beebaa go Job 34:31

Gai noo dahi dangada e hai ange gi de Maadua, ‘Au gu haisala, aagai au e dee ahe ange naa donu e haisala.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Jonah 3:10

Gai ga gidee huu e de Maadua alaadeu mee ne hai, ma delaadeu tili alaadeu dahulinga baubau, gai ia ne sui dana maanadu, ia tee gaamai de hai ngadaa aana gu tala laa bolo e gaavange gi gilaadeu.