Proverbs 27:25 - De Beebaa Dabu

²⁵ De masavaa naa huu e aau ai denga helii mmasa, gai denga helii hoou gu matili age, gai denga helii i honga denga duuduu e hagabudu naa;

Proverbs 27:25 Referans Kwoze

Proverbs 10:5

Tangada e hagabudulia huamanu i de masavaa mahanahana se dama heiangi, aagai tangada e seni i de masavaa o de hagihagi, se dama hagadookaa dangada.

Psalm 104:14

Ia e hai gi ssomo denga helii ange gi denga manu, gai e hai dangada gi bolibolia ange denga manu ssomo vaaligiligi, gi hanu gai e maua mai i de gelegele,

Proverbs 27:26

huluhulu o denga ssiibi e hai ai oo malo, gai denga guudi e maua i de hagao e hagao ai dahi alahenua.

Isaiah 17:5

Gai e bei naa de masavaa a tangada e duuduu ai laa grain, gai ia ga hagihagi denga hua i dono lima — gai e bei de masavaa a tangada e ogo ai denga grain gu lava laa i de hagihagi i de geelonga go Rephaim.

Jeremiah 40:10

Gai au e noho naa i Mizpah e sui ai goodou i daho de gau Babylon e loomai laa gi odaadeu daha, aagai goodou hagihagia mee e hai ai uvaini, ma huamanu o de masavaa mahanahana, aama de hai lolo ga doange i lodo ssaa, gai goodou ga nnoho ai i denga aduhale oodou gu kave naa.”

Jeremiah 40:12

gai dangada o Judah alodahi e nnoho laa i mommee olaadeu gu mavaevae saele laa aagena, gu aahe mai gi daho Gedaliah i Mizpah i de henua o Judah. Gai gilaadeu ga hagabudu denga uvaini lagolago mmao aama huamanu o de masavaa mahanahana.

Psalm 147:8

Ia e haoli de langi i denga hagausinga, ia e hagadabena ange de langi gi honga de henua, gai e hai gi ssomo denga helii i honga duuduu.