Proverbs 27:24 - De Beebaa Dabu

²⁴ go hiidinga de lava e dee maua gi dagodo ga hano ai, gai dahi nohoanga hodooligi e dee maua hogi gi dagodo i denga atangada alodahi.

Proverbs 27:24 Referans Kwoze

Proverbs 23:5

De masavaa donu huu aau e gidee ai, gai gu dee maaleva, go hiidinga mee nei e llele ga hulo, bei de igele e lele laa ga hano gi lo te moana i lunga.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

James 1:10

gai tangada lava gi duuhia dono hagamaolalo, go hiidinga ia e lilo naa donu bei de huaala.

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.

Psalm 89:36

bolo ono hagadiilinga e hodooligi naa donu ga hano ai, gai dono nohoanga hodooligi e dee lilo naa donu i taulooloa de sobo age o de laa.

2 Samuel 7:16

Gai au e hai naa gi dee llilo doo aamuli ma doo nohoanga hodooligi; gai doo nohoanga hodooligi e dagodo naa ga hano ai.’ ”

De Beebaa go Job 19:9

Ia gu kave gee dogu hagadubu, gai gu aau gee de hau i ulu dogu biho.

Psalm 89:39

Koe gu oha dau hagatoo donu hagaheloongoi ange gi doo dangada hai hegau; gai koe gu maga dono hau hodooligi gi lo te gelegele.

Jeremiah 13:18

Hai ange gi de hodooligi ma tinana o de hodooligi: “Gooluu iho mage nnoho i denga nohoanga maolalo, go hiidinga ooluu hau hodooligi mahamaha gu aau gee mai i ooluu biho.”

Lamentations 5:16

De hau i honga omaadeu biho gu doo. Gu vakaa loo gimaadeu, i hiidinga gimaadeu gu haisala!

Ezekiel 21:26

Gai e hagadaba de Ia Aamua go Iahweh: Daalaa de goobai malo, gai hagauia de hau hodooligi. Mee alodahi e dee hai naa donu bei mee i mua: de gau maolunga e hai naa ga maolalo, gai de gau maolalo e hai naa ga maolunga.

1 Samuel 13:14

Aagai iainei doo nohoanga hodooligi e dee duudagi naa donu. Gai Tagi Maolunga gu ssala dahi dangada e haia ono lodo; Tagi Maolunga gu hili ange ia gi dagina ono dangada, go hiidinga koe tee daohi muna a Tagi Maolunga gu tala adu gi de goe.”

Proverbs 23:4

Aude hagadalea ange gi denga goloa lagolago; gai koe gi heiangi ga tuu de hai mee nei.

Ecclesiastes 5:13

Au gu gidee ange dahi mee hagadaemaha baubau i lalo de laa: de lava a tangada e hagabudu laa ga dugu e hagadaemaha donu huu ia,