Proverbs 27:21 - De Beebaa Dabu

²¹ De anibada se mee ange gi denga selevaa, gai de ahi mmahi se mee ange gi denga goolo, aagai dangada e gidee danuaa dagodo o tangada i de masavaa alaadeu e tuhi ai ia.

Proverbs 27:21 Referans Kwoze

Proverbs 17:3

De anibada se mee ange gi denga selevaa, gai de ahi mmahi se mee ange gi denga goolo, aagai Tagi Maolunga e hagatale dagodo lodo o tangada.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Psalm 66:10

De Maadua, koe gu hagatale ange omaadeu dagodo; koe gu hagagilimalali gimaadeu bei de hagagilimalali o denga selevaa i de ahi.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

Malachi 3:3

Ia e bei naa dagodo o tangada e hagagilimalali ina denga selevaa; ia e hagagilimalali naa de aamuli o Levi bei de hai e hagagilimalali ai laa goolo ma selevaa. Gai gilaadeu e gaamai naa denga sigidaumaha heohi gi Tagi Maolunga,

1 Peter 4:12

Ogu soa hagamogomogo, goodou gi dee llele oodou mouli i de tuu adu denga hagaduasala hagammae gi goodou e hagatale ai goodou, ga maanadu bolo hanu mee e dee heohi de hai gu tuu adu gi goodou.

Psalm 12:6

Muna a Tagi Maolunga e dee haisala donu, e bei dagodo o selevaa gu hagagilimalali laa i de ahi i e hidu hanonga.

2 Samuel 14:25

Gai e deai donu se dama daane i Israel e mahamaha bei dagodo o Absalom. E deai donu se mee baubau daudahi i dono angaanga, mai i luoono vae ga dae age ai gi dono biho.

1 Samuel 18:30

Aagai denga dagi o de gau Philistia ma olaadeu daane e dee modu de loomai e hebagi. Gai masavaa alodahi olaadeu e loomai ai, gai David gu kii ange de sula i de hebagi i dagi o denga daane hebagi o Saul ange laa; deelaa ai, dangada gu kona de hagadubu ia.

Luke 6:26

E vakaa naa goodou noo dangada alodahi e tuhi goodou; olaadeu dubuna madagidagi ne tuhi hogi denga pelaabisi hadu muna.

De Beebaa go Job 28:1

E dahi donu mommee e geli ai denga selevaa, gai e dahi mommee e hagagilimalali ai denga goolo.