Proverbs 27:11 - De Beebaa Dabu

¹¹ Dagu dama, koe gi heiangi, gi malangilangi ai au; gi maua ai e au i de basa ange gi tangada e hagangadi mee ina au.

Proverbs 27:11 Referans Kwoze

Proverbs 10:1

Muna hagasengasenga a Solomon. Tama daane heiangi e hagamalangilangi dono damana, aagai tama lodo senga, e hagadaemaha dono dinana.

Psalm 119:42

gi maua ai e au i de basa ange gi gilaadeu e hagadogaa ina ngau, i hiidinga au e hagadonusia au muna.

2 John 1:4

Au gu malangilangi mmao i dagu gidee bolo hanu au dama e daudali i de muna abodonu, bei de hai a Tamana gu tala mai ai gi gidaadeu.

Philemon 1:7

Dogu daina, doo aloha gu hagamalangilangi ma de hagaaneane ogu lodo, i hiidinga koe gu hagaaneane lodo o dangada o de Maadua.

Proverbs 29:3

Tangada e lodo laa de heiangi e hagamalangilangi dono damana, aagai tangada e hai soa ange laa gi denga haahine hai be se manu e moumou donu huu dono lava.

Proverbs 15:20

Tama daane heiangi e hai ga malangilangi dono damana, aagai tangada lodo senga e hagangadi mee dono dinana.

Psalm 2:10

Deenei ai, denga hodooligi, goodou gi heiangi, dagi o henua i lalo, goodou gi kana ange.

Proverbs 26:16

Tangada vaiduu e maanadu bolo ia e heiangi ange i e dogohidu dangada maanetonu i alaadeu muna e tala.

Proverbs 27:12

Tangada maanetonu e mmuni i de masavaa aana e gidee ai de mee hagamanavasaa, gai tangada lodo senga e hagasoe donu huu, ga hagaduasala ai donu huu ia.