Proverbs 26:5 - De Beebaa Dabu

⁵ Basa ange gi tangada lodo senga gi bei dagodo o dono senga, gi dee maanadu ai ia bolo ia e heiangi.

Proverbs 26:5 Referans Kwoze

Romans 12:16

Goodou nnoho hagabuni i de hagadau abodonu; goodou gi dee llodo maolunga, gai hai soa ange ma de hagahedaea ange goodou gi gilaadeu e maolalo. Goodou gi dee hagataba i oodou lodo bolo goodou e iloo mee alodahi.

Proverbs 28:11

Tangada lava e maanadu bolo ia se dangada heiangi, aagai tangada hagaau aloha e donu ange laa, e iloo dagodo o tangada lava.

Titus 1:13

Gai muna nei ni muna abodonu, deenei ai, koe gi hagaseegina gilaadeu gi maua ai gi hagadagadaga age danuaa olaadeu kai,

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

John 8:7

Gai ga usuusuhia anga huu e gilaadeu ia, gai ia ga hidi age ga hai ange gi gilaadeu, “Goai naa huu i oodou magavaa e deai ono haisala, gai ia gi daamada ina de maga ia i hadu.”

Proverbs 26:12

Tangada lodo senga e kii ange de dahi ana tali i tangada e maanadu bolo ia e heiangi.

Proverbs 26:4

Aude basa ange gi tangada lodo senga gi bei dagodo o dono lodo senga, koe kana bei ono dagodo.

Proverbs 3:7

Aude hagadaba bolo koe e heiangi, gai koe gi madagu i Tagi Maolunga, ma de kino i de baubau.

Isaiah 5:21

E vakaa naa gilaadeu e maanadu laa bolo gilaadeu ni dangada heiangi ma de tonu!

Proverbs 26:6

De hai gi hano dahi dangada lodo senga gi hagailoo ina ana muna, e bei donu de duuduu luu vae o dahi dangada, aabe go dana hagahai ngadaa donu huu ia.