Proverbs 26:4 - De Beebaa Dabu

⁴ Aude basa ange gi tangada lodo senga gi bei dagodo o dono lodo senga, koe kana bei ono dagodo.

Proverbs 26:4 Referans Kwoze

Proverbs 26:5

Basa ange gi tangada lodo senga gi bei dagodo o dono senga, gi dee maanadu ai ia bolo ia e heiangi.

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.

1 Kings 12:14

Gai ia ne basa ange gi dangada bei dagodo hagasaele a denga daane mmodo, ga hai ange, “Dogu damana ne hagauda adu gi goodou de laagau hagahai hegau daemaha, aagai au e hai naa gi kii ange de daemaha. Dogu damana ne hagailiili goodou i denga daula, aagai au e hagailiili naa goodou i denga manu manga lua.”

Proverbs 17:14

Taamada o de hagadaumee e bei de maoha o dahi bae e daohia vai, deelaa ai, duudia de hagadaumee i mua de daamada.

1 Kings 12:16

De masavaa huu a de gau Israel alodahi ne gidee ai bolo de hodooligi tee hai gi bei alaadeu muna, gai gilaadeu ga hai ange gi de hodooligi, “E aha, e dahi amaadeu diba i daho David? E dahi amaadeu diba i daho tama a Jesse? De gau Israel, goodou aahe gi oodou mommee! David, diiloo ange donu huu doo huaabodu!” Gai de gau Israel alodahi ga aahe gi olaadeu mommee.

Jude 1:9

Aagai de masavaa donu hogi o tangada de langi maolunga go Michael, ne hagadaumee ange ai gi de ia hagabaubau laa i de angaanga o Moses, gai ia tee basa hagamalaia donu ia i ana muna hagabaubau laa, aagai ne hai ange donu huu, “Tagi Maolunga gi hagaseegina goe!”

Isaiah 36:21

Gai teai donu se dangada ne basa ange gi de ia, go hiidinga de hodooligi ne hai ange, “Goodou aude pasa ange gi ana muna.”

Matthew 7:6

Goodou gi dee gaavange gi denga gaaduu denga mee dabu; goodou gi dee dilia ange oodou ango gi denga biigi, gilaadeu kana dagadagahi gi lalo olaadeu vae, gai ga huuhuli adu ga hangahanga goodou.

Proverbs 23:9

Aude basa gi langona e tangada lodo senga, go hiidinga ia e hagangadi mee donu au muna heiangi.

Proverbs 29:9

Noo tangada heiangi e gaavange dahi dangada lodo senga gi de hainga, gai tangada lodo senga e lili naa donu huu ma de gadagada, gai e dee tuu naa donu de hagalongaa.