Proverbs 25:4 - De Beebaa Dabu

⁴ Aaua gee denga mee baubau mai i denga selevaa, gai de labagau o denga selevaa gu maua i de hagaduu ai dahi mee danuaa,

Proverbs 25:4 Referans Kwoze

Ezekiel 22:18

“Tama a tangada, mai gi de au, de gau Israel gu bei donu denga lehu o denga selevaa; gilaadeu alodahi gu bei dagodo o denga bronze, ma dini, ma iron, aama lead gu dudu laa i lo te ahi mmahi; gilaadeu go lehu donu e doe laa.

Proverbs 17:3

De anibada se mee ange gi denga selevaa, gai de ahi mmahi se mee ange gi denga goolo, aagai Tagi Maolunga e hagatale dagodo lodo o tangada.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

Proverbs 25:3

De maolunga o de langi ma de gelo o henua i lalo, e bei dagodo maanadu i lodo o de hodooligi e dee maua gi iloo.

Proverbs 26:23

De hagasegesege ange tangada i au muna gai oo lodo e dee se muna abodonu, e bei de gumedi ne hai laa i gelegele, ma gu hagamalamalama laa daha.

Psalm 66:10

De Maadua, koe gu hagatale ange omaadeu dagodo; koe gu hagagilimalali gimaadeu bei de hagagilimalali o denga selevaa i de ahi.