Proverbs 25:26 - De Beebaa Dabu

²⁶ Tangada heohi gu hagallongo ange laa e tangada baubau, e bei dahi saalingaa vai gu belabela ina laa aabe go de vai geli gu hakino laa.

Proverbs 25:26 Referans Kwoze

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

1 Thessalonians 2:15

aanei hogi gilaadeu ne daia ga magau Tagi Maolunga go Iesu ma denga pelaabisi, aama de alualu gimaadeu gi hulo. Gilaadeu tee hagamalangilangi de Maadua, aama de hai baasi ange gi dangada alodahi!

Acts 7:52

Gai goai denga pelaabisi a oodou dubuna madagidagi tee vaivai hai? Gilaadeu ne daa ga maakau dangada ne daalaa dagodo de humai o de Ia Heohi laa, go de ia oodou gu gaavange laa ma de daa ga magau —

Ezekiel 32:2

“Tama a tangada, huudia taahili o de magau o Pharaoh, de hodooligi o Egypt, ma gi hai ange gi de ia: ‘Koe e bei dagodo o dahi laiono i magavaa o denga huaahenua, aagai koe e bei dahi manu lausedi hagamaatagu; e hagakobu saele i lodo oo saalingaa vai e noho ai laa, ma de hagabeabeau lo te vai i luoo vae, ma de hagabaubau lodo saalingaa vai.

Genesis 4:8

Gai a Cain ga hai ange gi dono daina daane, “Gidaau ga hulo gi tuu malaelae.”  Gai de masavaa olaau e nnoho ai i tuu malaelae, gai a Cain ga hebagi ange gi dono daina go Abel, ga daa ia gu magau.