Proverbs 25:11 - De Beebaa Dabu

¹¹ Muna e tala laa i de masavaa heohi e bei denga aabele goolo e hagatau laa i honga gaini selevaa.

Proverbs 25:11 Referans Kwoze

Proverbs 15:23

Tangada e malangilangi laa i de basa ange i de muna heohi, gai se mee danuaa mmao de tala de muna e heohi ange gi de masavaa!

Isaiah 50:4

De Ia Aamua go Iahweh gu gaamai gi de au de alelo o tangada gu agoagona, gi iloo ai e au muna e hagammahi ai gilaadeu e daalea. Ia e hhango mai au i daiao alodahi, ma de hhuge luoogu dalinga gi langona ai e au bei dagodo o tangada e agoagona.

Ecclesiastes 12:10

Tangada Agoago ne ssala gi gidee denga muna e danuaa ma de heohi, gai ana mee ne sisi ni muna abodonu gai e heohi.

Proverbs 24:26

Tangada e daalaa adu de muna abodonu e bei de oso de usu o tangada.

Matthew 12:35

Tangada danuaa e hai tanuaa, go hiidinga ono lodo iai tanuaa. Aagai tangada baubau e hai de baubau, go hiidinga ono lodo iai de baubau.

Proverbs 25:10

kana langona e dahi au muna gai ia ga hagadogaa goe, gai au hegau baubau e dee maua naa donu gi ngalo.

1 Samuel 25:35

Gai David ne kave mee a de hine laa ne gaamai e gaavange gi de ia. Gai ia ga hai ange gi de ia, “Ahe gi doo hale ma gi noho baba. Tilo, au gu langona au muna, ma de hai gi bei dau dangidangi.”

De Beebaa go Job 4:4

Au muna gu bale ange tangada gu baguu laa, ma de hagammahi dangada e dee maua i de tuu gi makaga.