Proverbs 24:7 - De Beebaa Dabu

⁷ De heiangi e hano laa honga de biho o tangada lodo senga; gai ia e dee maua i de hhanga dono ngudu i de haitoga o de aduhale.

Proverbs 24:7 Referans Kwoze

Proverbs 14:6

Tangada doo mee e ssala de heiangi, gai e dee gidee e ia, aagai de iloo mee e hai ngaohie ange gi tangada e donu ange laa.

Psalm 10:5

Ia e hagadagadaga age i masavaa alodahi; au hagamodu e maolunga mmao, ia e dee gidee donu, ia e hagangadi mee ono hagadaumee alodahi.

1 Corinthians 2:14

Tangada e dee noho de Hagasaalunga i ono daha e dee maua i de kave mee e loomai i daho de Hagasaalunga o de Maadua, aagai e maanadu bolo mee nei ni ngadi muna, ia e dee donu ange aagena, go hiidinga go gilaadeu donu huu e noho de Hagasaalunga i olaadeu daha e tonu ange aagena.

Amos 5:15

Goodou kino i de baubau, gai llodo i tanuaa, hai hegau i de hagamodu heohi i de haitoga o de aduhale. Kana adu Tagi Maolunga, de Maadua o denga hagabuulinga hebagi, e abodonu ange naa gi dangada o Joseph e doe.

Amos 5:12

Au e iloo taelodo o oodou hegau baubau, ma de lagolago oodou haisala. Goodou e hagaduasala gilaadeu e heohi gai e kave mee ngadi gaavange hagasenga, goodou e dee hagamodu muna o de gau hagaau aloha i de heohi, i de haitoga o de aduhale.

Amos 5:10

goodou e kino i tangada hagaseegina dangada i de haitoga, ma de kino i tangada e daalaa de muna abodonu.

Isaiah 29:21

gilaadeu e hagabuu ange ssala gi tangada i alaadeu muna, ma de hai gi dee sula de hagamodu muna soe i de haitoga o de aduhale, gai alaadeu muna hhadu e hai gi dee heohi de hagamodu muna o tangada heohi.

Proverbs 22:22

Aude gaiaadia mee o tangada hagaau aloha, go hiidinga ia e hagaau aloha; aude hai baasi ange gi tangada duasala i de mommee hagamodu muna,

Proverbs 17:24

Tangada e dahi ono donu ange e daohi de heiangi i mada luoono mada, aagai luu mada o tangada lodo senga e galo gi de bido laa o henua i lalo.

Proverbs 15:24

De haiava o tangada heiangi e duu ange gi de mouli, gai e daohi ia gi dee hano iho gi mommee o de gau maakau.

De Beebaa go Job 31:21

noo au ne hai baasi ange gi denga gauligi e deai olaadeu damana, gai au e iloo bolo au e dahi ogu sauaa i de haitoga o de aduhale,

De Beebaa go Job 5:4

Ana dama e dee ola naa donu, gilaadeu gu hagabaubau ina i de masavaa e hagamodu ai muna, gai e deai naa donu dangada e hagaola ina gilaadeu.

Psalm 127:5

E manuuia taane e soa ana dama; ia e bei taane e honu dana mee hao dao. De gau bee nei e dee dookaa naa donu i de masavaa olaadeu e hagadaumee ai madali olaadeu hagadaumee i de haitoga o de aduhale.

Proverbs 17:7

De tala muna hagadubu e dee heohi ange gi tangada lodo senga, gai e kii ange donu tee heohi de hadu muna o dahi dagi.

Proverbs 17:16

Ni haigamaiana aha de dahi sseene a tangada lodo senga e hagao ai de heiangi, gai e deai donu se heiangi i ono daha?

Isaiah 32:6

Go hiidinga tangada lodo senga e basa senga, ono lodo e hagasaele de hai de baubau; ana hegau e dee bei lodo o de Maadua, ia e hagadele muna hhadu i dagodo o Tagi Maolunga; ia e dee haangai ange gilaadeu e hiikai, ma tee hagaunu ange gilaadeu e hieunu.

Proverbs 28:5

De gau baubau e dee tonu ange gi dagodo o de hagamodu heohi, aagai gilaadeu e saalaa Tagi Maolunga e honu delaadeu tonu ange.

Proverbs 31:23

Dono bodu se daane hagadubu i de haitoga o de aduhale, madali denga daane maatua o de henua.