Proverbs 24:28 - De Beebaa Dabu

²⁸ Aude hagabaubau ina tangada e baa adu gi de goe i teai hiidinga, aabe gi daahanga ina dangada i au muna.

Proverbs 24:28 Referans Kwoze

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

Proverbs 25:18

Tangada tala hagadonu hadu muna e hagabaubau ina laa dahi dangada, e bei de laagau hebagi be go de gadilaasa, aabe go tao kangi o de mee hholu.

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

Colossians 3:9

Goodou gi dee hagadau daahangadia goodou, go hiidinga goodou gu hagaui ma gu tili tangada duai ma ana dahulinga alodahi,

John 15:25

Gai de mee nei gu bei donu muna gu sisi laa, i lodo alaadeu hainga ma e hai ange, ‘Gilaadeu ne kino i de au, gai e deai donu hiidinga.’

Matthew 27:23

Gai Pilate ne ssili ange, “Gai se baubau aha aana gu hai?” Aagai dangada ne kii ange de hevaalogi, ga hai ange, “Daudau ina ia i de laagau lui!”

Proverbs 21:28

Tangada tala hagadonu hadu muna e magau naa donu, aagai muna a tangada e hagalaangona e daakodo ga hano ai.

Proverbs 19:9

Tangada tala hagadonu hadu muna e hagaduasala donu, gai tangada e daalaa denga muna hadu e magau donu.

Proverbs 19:5

Tangada tala hagadonu hhadu muna e dee haihai naa donu ga dee hagaduasala, gai tangada e daalaa muna hhadu e dee ola naa donu.

Proverbs 14:5

Tangada tala hagadonu i de mee abodonu e dee hadu muna i de masavaa e hagamodu ai muna, aagai tangada tala hagadonu hadu muna e tala muna hhadu.

Psalm 52:1

Taane mmahi, gu aha gu basa hagasoenga ai naa goe i de baubau? De lodo aloha o de Maadua e dagodo ga hano ai.

Psalm 35:11

De gau tala hagadonu hadu muna e hagabaubau au; gilaadeu e ssili mai gi de au mee aagu e dee iloo.

Psalm 35:7

Go hiidinga gilaadeu ne hagammuni delaadeu galauna, gai teai donu agu mee ne hai, ma de geli dahi geelinga gi doo ange ai au gi ono lodo.

De Beebaa go Job 2:3

Gai Tagi Maolunga ne ssili ange gi Satan, “Koe gu gidee naa dagodo o dogu dangada hai hegau go Job? E deai ange donu se dangada e bei ono dagodo i henua i lalo; ia e dee haisala ma de heohi, gai e madagu i de Maadua, ma de kino i de baubau. Gai ia goi duudagi donu huu de hai hegau i de muna abodonu, e dee galemu donu koe gu hai au gi hai baasi ange gi de ia, ma de hagaduasala ia, gai e deai donu hiidinga.”

Exodus 23:1

“Aude hagadele ina denga longo hhadu. Aude hagabuni ange gi tangada baubau gi daalaa hagadonu ina ai ana muna hhadu.

Exodus 20:16

Aude hagabaubau ina tangada e baa adu gi de goe i hanu muna hhadu.

Leviticus 6:2

“Noo dahi dangada gu haisala, gai ia tee hai hegau i de muna abodonu ange gi Tagi Maolunga, gai ne hadu muna ange gi tangada ne gaavange dahi mee ia gi doange ina, be ia gu gaiaa mee laa, aabe ne vaivai dagodo ange gi tangada ange laa,

Leviticus 6:3

be ia gu gidee de goloa o dahi dangada gu tili laa, gai ia ga hadu muna ai, be ia ne basa hagatoo donu i de hadu muna, aabe ia ne hai ange dahi baubau bee nei ange gi tangada ange laa —

Leviticus 19:11

Goodou aude gaiaa. Goodou aude hadu muna. Goodou aude hagadau daahanga ina goodou.

Proverbs 26:19

se dangada e daahanga ina tangada e baa ange gi de ia, ga hai ange, “Au ne hakadanga adu donu huu!”