Proverbs 24:25 - De Beebaa Dabu

²⁵ Aagai dangada e hagaseegina tangada gu haisala, e laumalie naa delaadeu manuuia.

Proverbs 24:25 Referans Kwoze

1 Timothy 5:20

Gai koe hagaseegina gilaadeu e aheahe ange ma e haisala i madamada o dangada alodahi, gi maatagu ai de gau ange laa.

Proverbs 28:23

Tangada e hagaheohi ina laa dahi dangada, e laumalie de abodonu aana e kave i muli mai, ia e kii ange i tangada e hagasegesege ina ange dangada.

Titus 2:15

Agoagona mee nei; e hagammahi ai olaadeu lodo, ma de hagakana ange gilaadeu i ssauaa gu gaavadu naa gi de goe. Gai koe gi dee dugua ange dahi dangada gi hagangadi mee ina goe.

Titus 1:13

Gai muna nei ni muna abodonu, deenei ai, koe gi hagaseegina gilaadeu gi maua ai gi hagadagadaga age danuaa olaadeu kai,

Matthew 14:4

i hiidinga John ne hai ange gi Herod, “E dee heohi doo hai bodu ange gi de hine naa.”

Nehemiah 13:28

Gai e dahi hogi dama daane a Joiada, tama daane a Eliashib, tangada haimeedabu maolunga, se saulaba niio Sanballat, taane Horon. Gai au ne alualu ia gi hano gee mai i dogu mommee iai.

Nehemiah 13:25

Gai au ga hagasee gilaadeu ma de hagamalaia gilaadeu. Au ne daa hanu daane i olaadeu magavaa ga vele olaadeu biho. Au ne hai hogi gilaadeu gi hagatoo donu i de ingoo o de Maadua, gi hagataba, “Goodou e dee gaavange oodou damaa hine gi hai bodu ange gi alaadeu dama daane, be kave hanu alaadeu damaa hine gi hai bodu ange gi oodou dama daane, aabe gi hai bodu adu gi goodou.

Nehemiah 13:17

Gai au ne hagasee de gau aamua o Judah, ga hai ange gi gilaadeu, “Se hegau baubau bee hee oodou gu hai nei, gai goodou ga hagangadi mee ai de laangi o Sabbath?

1 Samuel 3:13

Gai au gu tala ange gi de ia, bolo au e hagaduasala donu dono huaabodu ga hano ai, i hiidinga o haisala o luaana dama daane aana gu iloo laa; gilaau ne hagangadi mee au, aagai ia tee hai gilaau gi dee haia.

Leviticus 19:17

Aude daohia doo lili i doo daina. Gai hagaseegina ia, gi dee dau adu ai ono haisala gi de goe.

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

Proverbs 24:26

Tangada e daalaa adu de muna abodonu e bei de oso de usu o tangada.