Proverbs 24:23 - De Beebaa Dabu

²³ Aanei ange hanu muna a de gau heiangi. E dee se mee danuaa de hilihili dangada i de masavaa e hagamodu ai muna.

Proverbs 24:23 Referans Kwoze

Proverbs 28:21

De hilihili dangada e dee se hegau danuaa; aagai tangada e hai naa donu de mee dee heohi i hiidinga o de ngadi gaavange hagasenga.

Proverbs 18:5

E dee danuaa doo hagabuni ange gi tangada baubau, aabe go de hagamodu muna o tangada tigi haisala i mee dee heohi.

Psalm 107:43

Tangada heiangi gi daohia mee nei; gai ia gi manadua de abodonu o Tagi Maolunga.

Leviticus 19:15

Aude hagahaisala ina de hagamodu muna heohi; aude haia gi dagodo gee dau hai e hai ai tangada hagaau aloha ma tangada lava, aagai koe gi hagamodu ina muna o tangada e baa adu gi de goe i de heohi.

1 Peter 1:17

Gai noo goodou e hagahi ange Tamana, go de ia e hagamodu ina muna o dangada, gai e dee vae dangada, gai goodou mouli i de hagadubu ma de maatagu i doodou nnoho gaainga i henua i lalo nei.

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

John 7:24

Goodou aude hagamodu ina muna i oodou mee e gide, gai hagamodu ina i de heohi.”

Hosea 14:9

Be goai e heiangi, gai ia e donu ange gi mee nei. Be goai e iloo mee, gai ia e iloo mee nei. Haiava o Tagi Maolunga e heohi; gai go gilaadeu e heohi e seesee ai, aagai de gau hagamaanege e laavea ga baakuu ai.

Proverbs 1:6

gi donu ange ai ia gi denga muna heiangi, aama muna hagasengasenga a de gau heiangi.

2 Chronicles 19:7

Goodou gi maatagu i Tagi Maolunga; gai dagidiiloo gi danuaa oodou mee e hai, go hiidinga Tagi Maolunga taadeu Maadua e dee haisala donu dana hagamodu aabe hilihili dangada, ia e dee kave hogi denga mee ngadi gaavange hagasenga.”

Deuteronomy 16:19

Aude hagahaisala de hagamodu heohi, aabe gi hilihili dangada. Aude gaavee de mee ngadi gaavange hagasenga, go hiidinga de ngadi gaavange hagasenga e hai ga dee gidee e tangada heiangi de mee heohi, ma de hagahaisala muna a dangada e heohi laa.

Deuteronomy 1:17

Gai goodou e dee hilihili dangada i doodou hagamodu muna; goodou hagamodu ina muna o de gau maolalo ma de gau maolunga gi se dagodo daudahi. Goodou gi dee maatagu i dahi dangada daudahi, i hiidinga go de Maadua e hagamodu ina muna. Gai be se aha naa huu e hai ngadaa adu gi goodou, gai goodou gaamai, gai au ga hagallongo.”

Proverbs 22:17

Huli ange doo dalinga hagalaangona muna a de gau heiangi, gai haia gi dagodo de iloo mee i oo lodo,

De Beebaa go Job 13:8

Goodou e maua i de hai hegau i de hilihili dangada ange gi de ia? Goodou e maua i de tala hagaheohi dagodo o de Maadua?