Proverbs 24:21 - De Beebaa Dabu

²¹ Dagu dama, koe gi madagu i Tagi Maolunga ma de hodooligi, gai koe gi dee hagabuni ange gi de gau hagamaanege,

Proverbs 24:21 Referans Kwoze

Titus 3:1

Gai hagamanadua ange gi dangada gilaadeu gi hagadubu ina denga dagi ma gilaadeu iai ssauaa e dagi ai, gilaadeu gi daudali i alaadeu muna, ma de hai gi paba ange gilaadeu gi denga hegau danuaa alodahi;

1 Kings 12:16

De masavaa huu a de gau Israel alodahi ne gidee ai bolo de hodooligi tee hai gi bei alaadeu muna, gai gilaadeu ga hai ange gi de hodooligi, “E aha, e dahi amaadeu diba i daho David? E dahi amaadeu diba i daho tama a Jesse? De gau Israel, goodou aahe gi oodou mommee! David, diiloo ange donu huu doo huaabodu!” Gai de gau Israel alodahi ga aahe gi olaadeu mommee.

Matthew 22:21

Gilaadeu ne hai ange gi de ia, “Niio Caesar.” Iesu ne hai ange gi gilaadeu, “Deelaa ai, gaavange gi Caesar mee a Caesar, gai gaavange gi de Maadua mee a de Maadua.”

Exodus 14:31

Gai ga gidee huu e de gau Israel de mmahi o Tagi Maolunga ne hebagi ange ai gi de gau Egypt, gai gilaadeu gu maatagu i Tagi Maolunga aama de hagadonusia Tagi Maolunga ma dono dangada hai hegau go Moses.

1 Samuel 24:6

Gai ia ga hai ange gi ono daane, “Tagi Maolunga e dee dugu mai au gi haia ange de hegau bee nei gi dogu dangada aamua, go de ia a Tagi Maolunga gu hagadabu i de lolo. Au e dee maua hogi i de poo ange gi de ia, i hiidinga go ia a Tagi Maolunga ne hagadabu.”

2 Samuel 18:8

Gai de hebagi ne hai i de henua laa alodahi; gai dangada ne maakau i lodo henua e soa ange i dangada ne daia ga maakau i de gadilaasa.

1 Kings 1:49

Gai dangada alodahi a Adonijah ne gauna ange laa gu maatagu mmao, gai dahi ma dahi ga hagamoolau ga aahe gi dono mommee.

Proverbs 17:11

Tangada baubau e ssala de hai gi hai baasi dangada, gai dahi dangada alasala e hai naa gi hano gi hagaduasala ina ia.

Proverbs 23:17

Aude lodo gaiaa ange gi de gau haisala, aagai madagu mmao i Tagi Maolunga i taiao ga boo ai.