Proverbs 24:17 - De Beebaa Dabu

¹⁷ Aude malangilangi i de masavaa o doo hagadaumee e baguu ai, gai koe gi dee lodo danuaa i masavaa oona e dai baguu ai;

Proverbs 24:17 Referans Kwoze

Obadiah 1:12

Gai e dee heohi dau hagangadi mee doo daina i de masavaa oona ne duasala ai, aabe go doo malangilangi i dangada o Judah i de masavaa olaadeu ne oohaa ina ai, aama doo basa hagamaolunga i de laangi olaadeu ne hai ngadaa ai.

De Beebaa go Job 31:29

Noo au e malangilangi i de duasala o dogu hagadaumee, aabe go de lodo danuaa i dono hai ngadaa;

Proverbs 17:5

Tangada e hakadanga laa i tangada hagaau aloha, e hagangadi mee de Maadua ne haia laa ia; gai tangada e malangilangi laa i de duasala o dahi e hagaduasala naa donu.

Psalm 42:10

Au gu kona mmao dogu mmae i de hagammae manava a ogu hagadaumee au, ma delaadeu hai mai gi de au i taiao ga boo ai, “I hee iai doo Maadua?”

Psalm 35:19

Koe gi dee dugua ange ogu hagadaumee gi tae olaadeu lodo i ogu hiidinga; koe gi dee dugua ange gilaadeu e kino i de au i teai hiidinga gi hagadabadaba ina mai olaadeu ganomada gi de au.

Psalm 35:15

Aagai de masavaa oogu ne hai ngadaa ai, gai gilaadeu ne hagabuni ga malangilangi. Gilaadeu ne hagabuni e hai baasi mai gi de au, gai de gau alasala aagu e dee iloo laa tee tuu donu delaadeu hagabaubau au.

Judges 16:25

Gai de masavaa o dangada gu llodo danuaa ai, gai gilaadeu ga hagataba, “Gaamai Samson gi haia hanu hagadaahao e tilo gidaadeu.” Gai gilaadeu ga aalu gi hagasao ina mai Samson i lo te hale pono, gi haia hanu hagadaahao e tilo gilaadeu. Gai gilaadeu ne hai ia gi duu i magavaa denga duludulu;

2 Samuel 3:32

Gai gilaadeu ne kave Abner ga danu i Hebron; gai de hodooligi ne oo ga dangi i gaogao taanunga o Abner; gai dangada alodahi gu tangi hogi.

Proverbs 24:18

kana gidee naa e Tagi Maolunga, gai ia gu dee malangilangi, gai ia gu dee hagaduasala ia.

Micah 7:8

Dogu hagadaumee, koe gi dee malangilangi i ogu dagodo! Ga baguu naa donu au, aagai au e ahe ange naa donu ga hidi age. Gai ga noho naa donu au i lo te gohu, aagai go Tagi Maolunga dogu hagamaalama.