Proverbs 24:12 - De Beebaa Dabu

¹² Noo koe e hagadaba, “Tilo, gimaadeu tee iloo donu,” e aha, de ia e hagahidi ina lodo o dangada e dee iloo e ia de mee nei? E aha, de ia e hagaloosia adu doo mouli e dee iloo e ia de mee nei? Gai ia e dee hagao ange naa dahi ma dahi gi bei dagodo o ana hegau?

Proverbs 24:12 Referans Kwoze

De Beebaa go Job 34:11

Gai ia e hagao ange tangada gi bei dagodo o ana hegau, ia e hai gi aahe ange donu huu gi tangada ana hegau.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

Romans 2:6

Gai ia e hagamodu naa muna o dahi ma dahi gi bei dagodo o ana hegau:

Proverbs 21:2

Tangada e maua i de maanadu bolo ono haiava e heohi, aagai Tagi Maolunga e hagahidi dagodo o ono lodo.

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Ecclesiastes 5:8

Koe gi dee lele oo mouli i dau gidee de vaivai haia o de gau hagaau aloha i dahi ungaamee, ma teai se hagamodu heohi ma heohi o dangada; go hiidinga dahi dagi maolunga e dagitilo tagi i ono lalo, gai denga dagi i olaau elunga e dagitilo gilaau.

Psalm 121:8

Tagi Maolunga e hagaloosi goe i mommee alodahi oou e hano aagena, mai iainei ga hano ai e dee ngado mai.

Psalm 121:3

Ia e daohi luoo vae gi dee baguu ai goe; de ia e dagidiiloo adu goe e dee seni donu.

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”

Psalm 62:12

gai koe, de Ia Aamua, e lodo aloha mmao. Koe e sui ange mee a tangada gu hai gi bei dagodo o ana hegau.

Psalm 17:3

Koe gu hagatale dagodo o ogu lodo, gai ga hagataalea naa donu e goe ogu dagodo i de boo, gai koe e dee gidee dahi mee daudahi; au gu hagatau bolo au e dee haisala donu i agu muna e tala.

Revelation 22:12

“Tilo, au gu dai humai donu. Gai au e gaamai naa madali au mee e hagao ange ai dahi ma dahi gi bei dagodo o ana hegau.

Revelation 2:18

“Gai siia ange muna nei gi tangada de langi o de nohoanga dabu i Thyatira: Aanei muna a Tama a de Maadua, e ula laa luoono ganomada bei de ula o de ahi, gai luoono vae e bei bronze malamalama.

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

Romans 2:16

De mee nei e hai naa donu, i de laangi a de Maadua e hagamodu ai maanadu e dee iloo laa, i daho Klisdo Iesu, bei de hai gu tala ai i de longo danuaa oogu e agoago ai nei.

Acts 17:28

Go hiidinga ‘go ia odaadeu e mouli ai ma de ngalungalue aama de nnoho ai nei’. Bei de hai a hanu oodou dangada e haia denga dau gu tala ai laa, ‘Gidaadeu go dono hagadiilinga.’

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.

Proverbs 5:21

Tagi Maolunga e gidee danuaa hegau a tangada, gai ia e tilo dagodo o ana hegau alodahi e hai.

Psalm 66:9

ia ne hagaola omaadeu mouli, gai ne daohi gimaadeu gi dee baakuu.

Psalm 44:21

gai de Maadua e iloo donu de mee nei! Go hiidinga ia e iloo mee i lodo o tangada.

Psalm 7:9

De Maadua heohi, go de ia e iloo dagodo lodo ma maanadu a dangada, haia gi dee ssula hegau a tangada baubau, gai hagassula ina hegau a tangada heohi.

1 Samuel 25:29

Gai noo dahi dangada e doolohi goe e daa gi magau, gai Tagi Maolunga doo Maadua gi buibui ina de mouli o dogu dangada aamua, bei de mee hagamogomogo e saabini laa. Aagai mouli o oo hagadaumee e maga naa gi daha, bei de hadu i lo te buada.

1 Samuel 2:6

Go Tagi Maolunga e daia gi maakau ma de hai gi mouli ⌊tangada⌋; go ia e gave iho gi de mommee o de gau maakau, ma de hagamouli age.

1 Samuel 2:3

Duudia doodou pasa hagamaolunga, aabe go doodou pasa hagassoenga; go hiidinga Tagi Maolunga se Maadua iloo mee, gai go ia e hagahidia hegau alodahi.

Psalm 94:9

E aha, e longoduli de ia ne haia talinga? Gai de ia ne haia de ganomada e dee gide hogi?

Proverbs 12:14

Muna a tangada e hagadanuaa naa ia i mee danuaa; hegau a tangada e hagadanuaa naa donu huu ia.

Proverbs 5:22

Hegau baubau a tangada baubau e gidee mai naa donu, gai ia e noodia ma e makaga i ono haisala.

Proverbs 16:2

Tangada e maanadu bolo ana hegau alodahi e gilimalali, aagai Tagi Maolunga e hagahidi dagodo o ono lodo.

Lamentations 3:36

ma de hagahaisala de hagamodu muna o tangada, ni mee niio de Ia Aamua e kino ai.