Proverbs 23:34 - De Beebaa Dabu

³⁴ Koe e bei naa tangada e seni laa i honga de moana, ia e dagodo ma e seni i ulu dahi bou.

Proverbs 23:34 Referans Kwoze

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

Matthew 24:38

Laangi i mua o tolona gai dangada ne gaimee ma de unu, ma de hai bodu aama de gaavange alaadeu dama gi hai bodu, ga dae ai gi de laangi o Noah ne ulu ai gi lo te vaga hale.

Joel 1:5

De gau ssenga, goodou aalahage tangi; alodahi e unumia uvaini, goodou tangi ssee, goodou tangi, i hiidinga gu deai donu uvaini maimai, gai gu gaavee gi dee unumia ai e goodou.

1 Kings 16:9

Gai Zimri, dahi dagi i ono lalo, go taane e diiloo ange laa dahi luu baasi o ono hada hebagi, ne hai dahi hagatau e daa ai ia gi magau. De masavaa laa gai Elah e noho ma e unu i de hale o Arza, taane e diiloo ange de hale o de hodooligi i Tirzah.

2 Samuel 13:28

Gai Absalom ne hai ange gi ono dangada hai hegau, “Goodou dagidiiloo de masavaa o Amnon e unu ai ga senga, gai ga hai adu naa huu au, ‘Daia Amnon gi magau,’ gai goodou ga daa ia gi magau. Gai goodou e dee maatagu donu. E dee go au e hai adu nei goodou gi haia de hegau nei? Goodou gi mmahi ma de lo taane.”

Exodus 15:8

Koe ne busi i luoo bongaa usu gai denga vai gu hagabudubudu age. Denga vai ne tuu gi lunga bei dagodo o de bae hadu, gai vai i lo te vai gelo laa gu makaga.

Proverbs 23:33

Luoo mada e gidee naa denga mee hagamaatagu, gai koe e senga ange naa lo too biho.

Proverbs 23:35

Koe e hagadaba naa, “Gilaadeu ne hagaili au, aagai au tee mmae donu! Gilaadeu ne dugidugi au, aagai au tee langona iho donu. Go aahee maa oogu e alahage ai, gi maua ai e au i de ssala ange hanu mee unu?”

Proverbs 31:4

Lemuel, e dee ni mee ange gi denga hodooligi — e dee heohi de unu a denga hodooligi denga uvaini, aabe go de unu a denga dagi mee mmahi,