Proverbs 23:24 - De Beebaa Dabu

²⁴ Tamana o tangada heohi e laumalie dono malangilangi, gai tangada e hagadili ina laa dahi dama heiangi e lodo danuaa i de ia.

Proverbs 23:24 Referans Kwoze

Proverbs 10:1

Muna hagasengasenga a Solomon. Tama daane heiangi e hagamalangilangi dono damana, aagai tama lodo senga, e hagadaemaha dono dinana.

Proverbs 15:20

Tama daane heiangi e hai ga malangilangi dono damana, aagai tangada lodo senga e hagangadi mee dono dinana.

Proverbs 29:3

Tangada e lodo laa de heiangi e hagamalangilangi dono damana, aagai tangada e hai soa ange laa gi denga haahine hai be se manu e moumou donu huu dono lava.

Philemon 1:20

Deenei ai, e taina, haia gi hanu haigamaiana o agu hegau adu gi de goe i lodo o Tagi Maolunga. Haia gi baba ogu lodo i lodo o Klisdo.

Philemon 1:9

Gai au e dee lodo e hai de mee nei, aagai au e dangidangi adu i hiidinga dogu aloha i de goe. Deenei ai, go au go Paul, au se daane madumadua, gai iainei gu noho i lo te hale pono i hiidinga o Klisdo Iesu,

Ecclesiastes 2:19

Gai goai e iloo be ia se dangada heiangi, aabe se dangada lodo senga? Aagai go ia naa e huahua i mee alodahi aagu ne hagaduu ngae ga hai hegau ange aagena i ogu mahi aama dogu labagau i lalo de laa. De mee nei e deai hogi ono haigamaiana.

1 Kings 2:9

Aagai koe aude degi ange donu gi de ia. Koe se daane heiangi; go koe e iloo be se aha e hai ange gi de ia. Ia gu se daane madumadua, aagai koe daia donu ia gi magau.”

1 Kings 1:48

Gai de hodooligi ne hai ange hogi, ‘Duuhia Tagi Maolunga, de Maadua o Israel, i dana hai gi gidee e au de noho o dahi agu dama i honga dogu nohoanga hodooligi anailaa nei.’ ”

Proverbs 27:11

Dagu dama, koe gi heiangi, gi malangilangi ai au; gi maua ai e au i de basa ange gi tangada e hagangadi mee ina au.