Proverbs 23:20 - De Beebaa Dabu

²⁰ Aude hagabuni ange gi gilaadeu e unumia uvaini lagolago, aabe go de gau aagai e gaina laa kano manu;

Proverbs 23:20 Referans Kwoze

Ephesians 5:18

Goodou gi dee unu gi ssenga i uvaini, go hiidinga e oha oodou mouli; aagai gi hoohonu i de Hagasaalunga ⌊Dabu⌋.

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

Isaiah 5:22

E vakaa naa denga daane dau i de unu uvaini, ma denga daane mmahi i de hilo denga mee mmahi,

Matthew 24:49

gai ia ga daamada de daa ono soa hai hegau ma de gaimee ma de unu madali gilaadeu e unu ga ssenga,

Luke 16:19

“E dahi daane lava, e gahu i malo purple ma linen danuaa aama de hai daonga i laangi alodahi.

Luke 15:13

Dua hanu laangi gai tama gauligi ga hagabudu ana mee alodahi ga hano ai gi dahi henua mmao, gai ia ga hai moumou ana mee i de hai denga dahulinga dee heohi.

Isaiah 22:13

Aagai tilo, goodou e daonga i de malangilangi ma de hagalongaa, goodou e daa naa denga kaau ma ssiibi ga gai ma de unu uvaini. Goodou e hagataba, “Gidaadeu ga gaimee ma de unu uvaini, go hiidinga daiao gai gidaadeu e maakau!”

Isaiah 5:11

E vakaa naa dangada e oho age laa i taiao, e ssala hanu mee mmahi e unu, ma de aala ga nnoho gi lo te boo, ga dae ai gi delaadeu unu ga ssenga i uvaini!

Proverbs 28:7

Tangada e daudali laa i de hainga se dama heiangi, aagai tangada e hagabuni ange gi de gau aagai e hagadogaa dono damana.

Proverbs 20:1

De uvaini e bei tangada doo mee, gai mee mmahi e hai ga hagalongaa tangada; be goai e dugua ange de mee nei gi dagina ia e dee heiangi.

Deuteronomy 21:20

Gai luu maadua gi hai ange gi denga dagi o de aduhale, “Demaau dama daane e hagamaolunga ma de hai dana hai; ia e dee lodo e hagallongo mai gi gimaau, gai ia se dangada aagai ma de lodo e unu mee vii.”

Proverbs 23:2

gai koe duudia mai au mee e gai, noo koe se dangada aagai.

Proverbs 21:17

Tangada e lodo laa e hagamalangilangi ia, e hagaau aloha naa, gai be goai e nnoo ange laa gi uvaini ma lolo, e dee maua donu gi lava.