Proverbs 23:15 - De Beebaa Dabu

¹⁵ Dagu dama, noo koe e heiangi oo lodo, gai au e lodo danuaa donu;

Proverbs 23:15 Referans Kwoze

2 John 1:4

Au gu malangilangi mmao i dagu gidee bolo hanu au dama e daudali i de muna abodonu, bei de hai a Tamana gu tala mai ai gi gidaadeu.

Proverbs 29:3

Tangada e lodo laa de heiangi e hagamalangilangi dono damana, aagai tangada e hai soa ange laa gi denga haahine hai be se manu e moumou donu huu dono lava.

Zephaniah 3:17

Tagi Maolunga, doo Maadua e noho madali goe, gai e mmahi i de hagaola goe. Ia e malangilangi mmao donu i de goe, gai ia e hagaaneane naa goe i dono aloha; ia e malangilangi naa ma de daahili i oo hiidinga.”

Proverbs 4:1

Agu dama, goodou hagalaangona agoago a doodou damana, gai kana ange hagalaangona, gi tonu ange goodou aagena;

Proverbs 2:1

Dagu dama, noo koe e hagallongo agu muna ma de hagamogomogo agu muna adu gi de goe,

Proverbs 1:10

Dagu dama, noo de gau baubau e usuusu adu goe gi haia de baubau, aude hagallongo ange gi gilaadeu.

1 John 2:1

Agu dama, au e sisi adu mee nei gi dee haisala ai goodou. Gai noo dahi goodou gu haisala, gai e dahi odaadeu ia bale e dangidangi i odaadeu hiidinga i mada luu mada o Tamana — go Iesu Klisdo, go de Ia Heohi.

Proverbs 15:20

Tama daane heiangi e hai ga malangilangi dono damana, aagai tangada lodo senga e hagangadi mee dono dinana.

Proverbs 10:1

Muna hagasengasenga a Solomon. Tama daane heiangi e hagamalangilangi dono damana, aagai tama lodo senga, e hagadaemaha dono dinana.

John 21:5

Gai Iesu ga hagahi gilaadeu ga hai ange, “Denga gauligi, gu hanu naa oodou mamu ne mau?” Gai gilaadeu ga hai ange gi de ia, “Tigi ai donu.”

John 15:11

Au gu tala adu mee nei gi goodou, gi dagodo ai dogu malangilangi i oodou lodo, gai gi honu danuaa ai doodou malangilangi.

Luke 15:32

Gai e danuaa taadeu gaimee ga lodo danuaa ma de malangilangi, go hiidinga doo daina daane gu magau, aagai gu mouli age ange hogi; ia gu dee maleva, gai gu gidee ange hogi.’ ”

Matthew 9:2

Gai tilo, hanu dangada ne saabai mai gi Iesu dahi daane balagelage i honga dono moenga. Gai de masavaa huu a Iesu ne gidee ai olaadeu kai, gai ia ga hai ange gi taane balagelage laa, “Dagu dama, koe gi lodo mmahi, gu maatala oo haisala.”

Jeremiah 32:41

Gai au e malangilangi naa donu i de hai ange tanuaa gi gilaadeu, ma de hai naa gilaadeu gi nnoho i de henua nei ga hano ai, i ogu lodo alodahi, ma dogu hagasaalunga alodahi.

Proverbs 27:11

Dagu dama, koe gi heiangi, gi malangilangi ai au; gi maua ai e au i de basa ange gi tangada e hagangadi mee ina au.