Biblia Todo Logo
Bib sou entènèt

- Piblisite -




Proverbs 23:10 - De Beebaa Dabu

10 Aude hagangaalue ina denga hadu goinga madagidagi aabe gi hano gi lodo alahenua o denga gauligi gu deai olaadeu damana,

Gade chapit la Kopi




Proverbs 23:10
17 Referans Kwoze  

Aude hagangaalue ina denga goinga madagidagi, a denga dubuna gu lava laa i de hagatuu.


Goodou gi dee vaivai haia de hine gu magau dono bodu, aabe go de gauligi gu deai sono damana, ma tangada gau henua gee, aabe go tangada hagaau aloha. Gai gi deai se goodou e haia dahi hagatau baubau, e hai baasi ange ai gi dahi dangada gee.’


“E malaia tangada e uea goinga o tangada e baa ange gi de ia.” Gai dangada alodahi gi hai ange, “Amen!”


Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.


E hagadaba Tagi Maolunga: Goodou hai hegau i de mee heohi ma de soe. Gai hagaola ina tangada gu gaiaadia ono goloa, i tangada vaivai dagodo. Goodou aude haia de baubau aabe gi vaivai haia tangada henua gee, de gauligi gu deai sono damana, aabe go de hine gu magau dono bodu. Gai goodou aude daia gi magau tangada tigi haisala i de mommee nei.


Goodou e dee hagangaalue goinga o dangada e paa adu gi goodou, go goinga a oodou dubuna madagidagi gu lava i de hagatuu ma gu hagailonga, i de henua a Tagi Maolunga e gaavadu goodou gi henua ai.


“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.


Gai noo goodou e sui abodonu oodou dagodo ma oodou hegau, ga hagadau hai hegau i de mee heohi,


Gilaadeu gu daa denga haahine gu maakau olaadeu bodu ma de gau henua gee, aama denga gauligi gu deai olaadeu damana.


Koe tee bale ange denga haahine gu maakau olaadeu bodu, gai ne vaivai hai denga gauligi gu deai olaadeu damana.


Goodou e dada hogi e hilihili ai mee e hai ange gi tama e deai sono damana, ma de hagadau heloongoi i de hagaoanga o oodou soa.


Dangada e gaavee tama e deai sono damana mai i daho dono dinana, gilaadeu e kave dahi gaagaa e hagadonu ai de hagao a tangada hagaau aloha ana muli.


Aude vaivai haia de hine gu magau dono bodu, aabe go de gauligi gu deai sono damana.


Tagi Maolunga e oha de hale o tangada hagamaolunga, aagai ia e hai gi dee hagangaalue ina goinga o de hine gu magau dono bodu.


noo goodou e dee vaivai hai de gau henua gee, ma denga gauligi gu deai olaadeu damana, ma haahine gu maakau olaadeu bodu, aama tee daa dangada gi maakau i de mommee nei, ma tee daudali ange i denga diinonga ga hagaduasala ai donu huu goodou,


Swiv nou:

Piblisite


Piblisite