Proverbs 22:8 - De Beebaa Dabu

⁸ Tangada e dooa de baubau e hagihagi naa de hai ngadaa, gai de laagau o de lili e hagaduasala ai laa dangada e hagadeai naa.

Proverbs 22:8 Referans Kwoze

De Beebaa go Job 4:8

Au gu gidee bolo gilaadeu e doo ina de baubau, ma gilaadeu e dooa de hai ngadaa e hagihagi naa hogi ono hua.

Hosea 10:13

Goodou ne doo de baubau, gai goodou gu hagihagi hua o de baubau, goodou ne gai hogi hua o de hadu muna. Gai go hiidinga goodou ne kai ange gi oodou mahi donu ma oodou daane hebagi soa,

Isaiah 30:31

De leo o Tagi Maolunga e hai naa ga maatagu de gau Assyria; i dana hagaili gilaadeu i dono dogo hodooligi.

Proverbs 14:3

Muna a tangada lodo senga e bei de laagau e hagailiili ai laa tua, aagai muna a de gau heiangi e buibui gilaadeu.

Psalm 125:3

De laagau a de gau baubau e dagi ai e dee maua donu gi dagodo daulooloa i honga de henua o olaadeu e heohi, gai gi dee haia ai e de gau heohi de baubau.

Hosea 8:7

Gilaadeu ne doo de madangi, gai e hagihagi naa hua o ssio. Alaadeu grain e deai olaadeu hua, gai e dee maua i de hai ai pelaoaa. Gai noo e hanu olaadeu hua grain, gai de gau henua gee e loomai naa ga kave.

Isaiah 14:29

De gau Philistia alodahi, goodou aude malangilangi, i de hadi de laagau ne hagaili ai laa goodou; go hiidinga de labodo e hagadili naa dahi labodo hagammau, gai dana dama e lele gai e hagammau.

Isaiah 10:5

E vakaa naa Assyria, de laagau aagu ne hagahai hegau i dogu lili, dono lima go togo aagu ne hagahai hegau i dogu bole.

Isaiah 9:4

Go hiidinga koe gu hadihadi de laagau e hagahai hegau aana e hagauda, ma togo i honga dono eu, go de laagau a de ia e vaivai haia gilaadeu, bei de laangi aau ne hagadee kii ai de gau Midian.

Proverbs 1:31

gilaadeu e gai naa hua o alaadeu hegau, ma de boobosu i de gai hua o alaadeu hagatau.

Isaiah 10:25

E dee mmule naa donu gai gu helui dogu lili i goodou, gai dogu bole gu daa gilaadeu gi maakau.