Proverbs 22:29 - De Beebaa Dabu

²⁹ Koe e gidee laa dahi dangada labagau i de hai ana hegau? Ia e hai hegau naa i mada i mua o denga hodooligi; ia e dee hai hegau ange naa donu gi hanu ngadi dangada.

Proverbs 22:29 Referans Kwoze

1 Kings 11:28

Gai Jeroboam se daane dau i de mmahi, gai ga gidee huu e Solomon bolo ia se daane dau i de hai hegau, gai ia ga hai ia gi dagina de gau hai hegau alodahi i de aamuli o Joseph.

Matthew 25:21

Dono dangada aamua ne hai ange gi de ia, ‘E danuaa, koe se dangada hai hegau danuaa ma de hai hegau i de mee abodonu. Koe ne kana ange i de mee damaa mee; au e gaavadu gi de goe ssauaa e huahua ai i mee lagolago. Humai malangilangi madali doo dangada aamua!’

Proverbs 12:24

Tangada hai mee e sula naa ga dagi, gai tangada vaiduu e hai naa ga se dangada hai hegau.

Proverbs 10:4

Tangada vaiduu e hagaau aloha donu, aagai tangada hai mee e sula naa ga se dangada lava.

Matthew 25:23

Dono dangada aamua ne hai ange gi de ia, ‘E danuaa, koe se dangada hai hegau danuaa ma de hai hegau i de mee abodonu. Koe ne kana ange i de mee damaa mee; au e gaavadu gi de goe ssauaa e huahua ai i mee lagolago. Humai malangilangi madali doo dangada aamua!’

Ecclesiastes 9:10

Be ni aha naa huu aau e gidee e hai, gai koe hagaduu ngae haia, go hiidinga de mommee o de gau maakau, go de mommee oou gu dai hano naa aagena, e deai donu hegau e hai ai, e deai hogi hagatau, be se iloo mee aabe se heiangi.

Genesis 41:46

Gai Joseph gu matolu ono ngadau i de masavaa oona ne daamada ai de hai hegau ange gi de hodooligi o Egypt go Pharaoh. Gai ia ga hano gee mai i mada i mua o Pharaoh, ga hagadaga i honga de henua go Egypt.

Romans 12:11

Goodou gi dee vaiduu gai gi lodo mmahi i de hai hegau, i doodou hai hegau ange gi Tagi Maolunga.

1 Kings 10:8

Oo daane gu manuuia! Oo dangada hai hegau gu manuuia, go hiidinga gilaadeu e hai hegau i oo mada i mua i masavaa alodahi ma de hagallongo muna aau e tala i doo heiangi!

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

Genesis 47:6

gai de henua go Egypt gu dugu adu gi de goe; haia gi nnoho doo damana ma oo daina, i de mommee danuaa hugadoo i de henua. Dugua ange gilaadeu gi nnoho i Goshen. Gai noo e hanu oo daina, aau e iloo bolo ni daane hai mee, gai koe haia gilaadeu gi diiloo ange agu manu haangai.”

1 Samuel 16:21

Gai David ne hano gi daho Saul, ga hai hegau ange gi de ia. Gai a Saul gu kona mmao dono malangilangi i de ia, gai ia ga hai ia gi sabaia ono goloa hebagi.

Proverbs 23:1

De masavaa naa huu oou e noho ai e gaimee madali dahi dagi, gai koe diiloo gi danuaa denga mee i oo mada i mua;

Genesis 41:38

Gai Pharaoh ne ssili ange gi ono dangada hai hegau, “E dahi ange nei daane adaadeu e gide bei dagodo o taane nei, se daane e dagodo de hagasaalunga o de Maadua i ono daha?”

1 Samuel 17:31

Gai de masavaa huu a denga daane ne langona ai muna a David, gai gilaadeu ga tala ange gi a Saul, gai a Saul ga aalu ia gi humai.

2 Samuel 2:32

Gai denga daane o Joab ne kave Asahel ga danu i de mommee iai daanunga a dono damana i Bethlehem. Gai Joab ma ono daane ga seesee i de boo laa ga aahe gu tae gi Hebron i taiao age.

1 Chronicles 4:23

Aanei gilaadeu e haia denga gumedi hadu, ma de nnoho i Netaim ma Gederah; gilaadeu ne nnoho i kilaa ma e hai ai hegau a de hodooligi.

Daniel 1:4

gai e deai mee baubau i angaanga o denga dama daane laa, gilaadeu e mahamaha, ma de heiangi i de ago denga hagadaagangaa mee alodahi, ma de iloo mee, aama de heohi ange gi de hai hegau i de hale o de hodooligi. Gai ia gi agoagona ange gilaadeu i muna o de henua ma mee gu sisi i lodo beebaa a de gau Babylon.

Daniel 1:19

Gai de hodooligi ga madaangudu ange gi gilaadeu, gai ia gu gidee bolo e deai ange donu dama daane e bei dagodo o Daniel, ma Hananiah, ma Mishael, aama Azariah. Deelaa ai, gilaadeu gu hai hegau ange gi de hodooligi.