Proverbs 22:12 - De Beebaa Dabu

¹² Luu mada o Tagi Maolunga e daumada tangada iloo mee, aagai e hai gi dee ssula muna a tangada e dee hai hegau i de muna abodonu.

Proverbs 22:12 Referans Kwoze

2 Chronicles 16:9

Gai luu mada o Tagi Maolunga e daumada henua i lalo alodahi, gai ia ga hagammahi ai gilaadeu e heohi olaadeu lodo i mada luoono mada. Koe ne hai mee nei i doo lodo senga, dua iainei gai e deai naa donu se tuu de hebagi i oo daha.”

2 Thessalonians 2:8

De masavaa laa gai de ia e oohaa de hainga e hagasula mai naa donu, gai Tagi Maolunga go Iesu e daa naa ia ga magau i dana manava, ma de hagalilo ia i dono mahamaha i dono masavaa e ahe mai ai.

Acts 5:39

Aagai noo se mee mai i daho de Maadua, gai goodou e dee maua donu i de hai gi dee sula. Gai goodou e gidee naa bolo goodou e hai baasi ange donu gi de Maadua!” Gai de hagabuulinga hagasaele ne daudali i muna a Gamaliel.

Proverbs 11:3

De hai hegau i de mee abodonu e dagi gilaadeu e hai hegau ai, aagai dangada e dee hai hegau laa i de mee abodonu e maakau naa donu i delaadeu hadu muna.

Proverbs 22:11

Tangada e lodo laa gi gilimalali ono lodo, gai ana muna e maamaane, e hai naa ga se soa niio de hodooligi.

Proverbs 22:13

Tangada vaiduu e hagadaba, “E dahi laiono i duaahaho!” aabe, “Au e daia naa ga magau i honga denga haiava!”

2 Kings 6:9

Aagai taane o de Maadua ne aalu ga hai ange gi de hodooligi o Israel, “Diiloo gi dee hulo goodou gi de mommee laa, go hiidinga denga daane Syria gu hulo ma e nnoho i kilaa.”

Nehemiah 4:9

Gai gimaadeu ne dalodalo ange gi demaadeu Maadua, ma de dugu hanu dangada gi hagaloosia i de laangi ma de boo e buibui ai gimaadeu i gilaadeu.