Proverbs 21:9 - De Beebaa Dabu

⁹ E danuaa ange de noho o tangada i tua de hale, i dono noho i lo te hale madali dahi hahine e lodo hagadaumee.

Proverbs 21:9 Referans Kwoze

Proverbs 19:13

Tama lodo senga e hagahai ngadaa dono damana, gai de hine dau bodu lodo hagadaumee e bei madaua vai e dee tuu laa de too iho.

Proverbs 25:24

E danuaa ange de noho o dahi i tua dahi hale, i dono noho i lo te hale madali dahi hahine lodo hagadaumee.

Proverbs 21:19

E danuaa ange de noho o tangada i de vao, i dono noho madali de hine lodo hagadaumee ma de nanu.

Proverbs 12:4

De hine danuaa e bei de hau mahamaha i honga de biho o dono bodu, aagai de hine hagadogaa dangada e bei de mee e haia laa ga pobo ono ivi.

Proverbs 15:17

E danuaa ange de haigai e hai denga manu ssomo, gai dangada e hagadau aaloha, i de haigai e hai i de kaau bedi gai dangada e hagadau kino.

Proverbs 17:1

E danuaa ange dau gai de bagu pelaoaa gai e noho i de mommee iai de baba ma de malino, i doo noho i dahi hale e hai ai taonga gai dangada iai e hagadaumee.

Proverbs 21:8

De haiava o tangada gu haisala e bigo, aagai hegau a tangada gilimalali e heohi.

Proverbs 21:10

Tangada baubau e lodo mmao i de baubau, gai ia e dee abodonu ange gi tangada e baa ange gi de ia.