Proverbs 21:31 - De Beebaa Dabu

³¹ De hoosa e hagadabena ange gi de hebagi, aagai go Tagi Maolunga e dugu ina ange gi kii dahi.

Proverbs 21:31 Referans Kwoze

Psalm 20:7

De tali hagalodolodo a hanu go denga hada hebagi, gai hanu go denga hoosa, aagai gimaadeu e hagamaanadu de ingoo o Tagi Maolunga, demaadeu Maadua.

Isaiah 31:1

E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.

Psalm 147:10

Ia e dee malangilangi i mahi o de hoosa, aabe go luu vae mmahi o dahi dangada,

Psalm 68:20

Taadeu Maadua se Maadua e hagaola ina; de Ia Aamua go Iahweh e hagaola ina gidaadeu mai i de magau.

Psalm 3:3

Aagai koe, Tagi Maolunga, go de mee hungihungi e duuli ina mai au, koe e hagamahamaha ogu dagodo, ma de hai gi maua e au i de dangage age dogu biho.

Psalm 3:8

Tagi Maolunga e maua i de hagaola; gai hagamanuuia ina oo dangada! Selah

Ecclesiastes 9:11

Au ne gidee ange dahi mee i lalo de laa: de saavini houhou e dee se mee ange donu huu gi tangada gemo, taua e dee se mee ange donu huu gi tangada mmahi; denga gai e dee ni mee ange donu huu gi tangada heiangi, gai de lava e dee se mee ange donu huu gi tangada iloo mee, gai de abodonu e dee se mee ange donu huu gi tangada gu agoagona; aagai de masavaa ma mee e hai ni mee ange gi gilaadeu alodahi.

Psalm 144:10

ange gi de ia e dugua ange gi kii denga hodooligi, ma de hagaola dono dangada hai hegau go David mai i de gadilaasa hagamaakau.

Jeremiah 3:23

Ni muna abodonu, demaadeu daumaha ange gi denga diinonga i honga duuduu ma honga mounga e hagasenga gimaadeu. Ni muna abodonu, de hagaola o Israel go Tagi Maolunga demaadeu Maadua.

1 Corinthians 15:57

Deenei ai, de abodonu ange gi de Maadua, ne gaamai laa gi gidaadeu de kii i daho Iesu Klisdo taadeu Dagi Maolunga.

2 Samuel 23:12

Aagai ia ne duu i de mommee laa ga daa gu maakau de gau Philistia, gai Tagi Maolunga ne hai ga laumalie delaadeu kii i de laangi laa.

Psalm 20:8

Gilaadeu e hagamaolalo ina naa ma de baakuu, aagai gimaadeu e hiihidi age naa ga tuu gi makaga.