Proverbs 21:30 - De Beebaa Dabu

³⁰ E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

Proverbs 21:30 Referans Kwoze

Acts 5:39

Aagai noo se mee mai i daho de Maadua, gai goodou e dee maua donu i de hai gi dee sula. Gai goodou e gidee naa bolo goodou e hai baasi ange donu gi de Maadua!” Gai de hagabuulinga hagasaele ne daudali i muna a Gamaliel.

Proverbs 19:21

E lagolago hagatau i lodo o tangada, aagai go hagatau donu huu a Tagi Maolunga e ssula.

Jeremiah 9:23

E hagadaba Tagi Maolunga: “Tangada heiangi gi dee duuhia donu huu dono heiangi, gai taane mmahi gi dee duuhia donu huu ono mahi, tangada lava gi dee duuhia hogi ono goloa lagolago,

Isaiah 14:27

Tagi o denga hagabuulinga hebagi gu hai dahi hagamodu, gai goai naa e maua i de buibui gi dee hai? Dono lima gu hagaabo, gai goai naa e maua i de hagaahe dua?

1 Peter 2:8

gai “se hadu e hagalaavea vae o dangada gai se hadu e haia ga baakuu gilaadeu.” Gilaadeu e baakuu naa i hiidinga delaadeu dee daudali i de muna — bei de hai gu hagamodu ange ai laa gi gilaadeu.

Jonah 1:13

Gai denga daane laa ga hagatale de gabegabe e hagaahe age de vaga gi de henua. Aagai gilaadeu tee maua, go hiidinga de madangi gu hai gi kii ange de beabeau honga tai.

Acts 5:38

Gai iainei, au e hai adu gi goodou, goodou gi dee poo ange gi denga daane naa, gai dugua gilaadeu gi hulo. Go hiidinga noo de mee nei be go de hegau nei ne daamada mai i daho dangada, gai e dee maua naa donu gi sula.

Ecclesiastes 6:10

Mee e hanu gu hanu donu olaadeu ingoo, gai dagodo o tangada gu iloo huu i mua; gai e deai donu se dangada e maua i de hagadaumee ange gi tangada e mmahi ange laa i de ia.

Isaiah 45:9

E vakaa naa tangada e hagadaumee ange gi de ia ne haia ia, ia e bei dahi gumedi hadu i magavaa denga gumedi e hai i gelegele pigi! E aha, e maua e denga gelegele pigi i de hai ange gi tangada hai gumedi, ‘Se aha aau e hai naa?’ aabe e hai ange, ‘Dau gumedi e hai naa e deai donu ono gau!’?

Joshua 2:2

Gai hanu ne tala ange gi de hodooligi o Jericho, ga hai ange, “Tilo, hanu daane Israel gu loomai gi kinei anaboo nei, e mulidagi ai de henua.”

2 Samuel 11:9

Aagai Uriah ne seni i gaogao de haitoga i de hale o de hodooligi, madali de gau hai hegau o David, ia tee hano gi dono hale.

1 Kings 14:6

Gai de masavaa huu a Ahijah ne langona ai dono humai e ulu i de haitoga, gai ia ga hai ange, “De bodu o Jeroboam, ulu mai; gu aha goe gu hai ai naa gi dagodo gee goe? Muna ne gaamai au gi daalaa adu gi de goe ni muna hagadaemaha.

2 Kings 6:12

Gai dahi dagi ga hai ange, “Demaadeu dangada aamua go de hodooligi, e dee go gimaadeu, gai go Elisha, de pelaabisi e noho laa i Israel, e daalaa ange laa gi de hodooligi o Israel denga muna aau e tala i lo too aabi seni!”

De Beebaa go Job 41:2

Koe e maua i de hai dahi uga ga nnoa ai dono usu, aabe e sugi dono gauvae i dahi maadau?

Isaiah 36:5

Koe e maanadu bolo hanu ngadi muna e maua i de bale adu goe i de hebagi? Goai aau e tali hagalodolodo ange naa aagena, gai koe ga hai baasi mai ai naa gi de au?