Proverbs 21:21 - De Beebaa Dabu

²¹ Tangada e hai hegau laa i de mee heohi ma de abodonu, e gidee naa e ia de mouli, ma de heohi aama de hagadubu.

Proverbs 21:21 Referans Kwoze

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

Proverbs 22:4

De hagaoanga o de lodo maolalo ma de madagu i Tagi Maolunga, go de lava ma de hagadubu, aama de mouli.

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

1 Timothy 6:11

Aagai koe, taane o de Maadua, savini hano gee i mee nei alodahi, gai hagaduu ngae haia gi heohi goe, ma de hai lodo o de Maadua, ma de gai, ma de aloha, ma de lodo mmahi i de golomagi lodo, aama de daudonu.

Proverbs 15:9

Hegau a tangada baubau ni mee hakino gee ange gi Tagi Maolunga, gai ia e aloha i tangada e hagaduu ngae ma e ssala de mee heohi.

2 Timothy 2:22

Gai koe savini hano gee i lodo dee heohi o denga dama daane mmodo, gai dolohia de heohi, ma de gai, ma de aloha, ma de nnoho paba, madali gilaadeu alodahi e dalodalo ange gi Tagi Maolunga i de lodo e gilimalali.

Isaiah 51:1

Nnoho mai hagalaangona agu muna, goodou e hai hegau i de heohi, ma goodou e saalaa Tagi Maolunga: goodou kalo ange diiloo de baba oodou ne hoda mai ai laa, ma de baba oodou ne tuu mai ai;

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

Romans 14:19

Deenei ai, gidaadeu ga hagaduu ngae e nnoho hagabuni i de baba ma de hagadau hagammahi odaadeu lodo.

1 Thessalonians 5:21

aagai hagataalea ange mee alodahi; gai daohi mee danuaa.

Philippians 3:12

Au e dee tala adu bolo au gu maua donu de mee nei, aabe gu heohi abodonu ogu dagodo, aagai au e hagaduu ngae e hai gi maua e au i de kave de mee a Klisdo ne hai ai laa ngau gi niiana.

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Proverbs 3:22

luu mee nei e gaavadu naa gi de goe de mouli, gai e bei de mee dau e hagamahamaha ai laa doo ua.

Psalm 112:4

De maalama e hagamaalama gilaadeu e heohi i de masavaa e gohu ai, go hiidinga gilaadeu e abodonu ma de lodo aaloha aama de heohi.

Proverbs 10:16

De hagaoanga o tangada heohi go de mouli, aagai de hagaoanga o tangada baubau go de hagaduasala.

Proverbs 11:19

Tangada e hagaduu ngae laa i de mee heohi e mouli, aagai tangada e hagaduu ngae laa i de baubau e magau donu.