Proverbs 21:10 - De Beebaa Dabu

¹⁰ Tangada baubau e lodo mmao i de baubau, gai ia e dee abodonu ange gi tangada e baa ange gi de ia.

Proverbs 21:10 Referans Kwoze

1 John 2:16

Go hiidinga mee alodahi i henua i lalo — go lodo baubau o de angaanga, ma mee a luu ganomada e nnoo ange laa aagena, aama mee a tangada e tuhi ai laa ia — e dee ni mee mai i daho Tamana aagai ni mee mai i henua i lalo.

Proverbs 3:29

Aude haia dahi hagatau baubau e hai baasi ange ai gi tangada e baa adu gi de goe; go de ia e dahi ana tali i de goe i dono noho i oo gaogao.

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

1 Corinthians 10:6

Gai mee nei se hagaago danuaa niiodaadeu, gi dee llodo ai gidaadeu i de baubau bei olaadeu dagodo.

Proverbs 21:13

Be goai e bonodia luoono dalinga, i de masavaa o de gau hagaau aloha e tangi ai, gai e deai naa hogi dangada e balea ange ia, i de masavaa oona e dangi ai.

Proverbs 12:12

Tangada baubau e lodo i goloa o dangada e haia de baubau, aagai tagelo o tangada heohi e hai gi duu ia gi makaga ma de hua lagolago.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

Psalm 112:5

Tanuaa e humai naa gi tangada abodonu ma de gaavange sseene gi dangada, go tangada e hai hegau i de hagamodu heohi.

Psalm 36:4

Ia e hai donu hogi denga hagatau baubau i honga dono moenga; ia e hagababa ange ia gi dahi haiava e dee danuaa; gai ia e dee kino donu i de baubau.

Proverbs 2:14

gilaadeu e malangilangi i de hai mee dee heohi ma de llodo danuaa i de hagammahi e hai de baubau;

Proverbs 14:21

Tangada e hagangadi mee ina tangada e baa ange gi de ia e haisala donu, aagai e manuuia tangada e abodonu ange gi gilaadeu e duasala.

Proverbs 21:9

E danuaa ange de noho o tangada i tua de hale, i dono noho i lo te hale madali dahi hahine e lodo hagadaumee.