Proverbs 20:6 - De Beebaa Dabu

⁶ E soa dangada e maanadu bolo gilaadeu ni dangada e abodonu, aagai e hai ngadaa donu i de gidee dahi dangada e hai hegau i de mee abodonu.

Proverbs 20:6 Referans Kwoze

Psalm 12:1

Tagi Maolunga, balea mai au, i hiidinga gu deai donu dangada heohi e doe; gu deai donu dangada e hai hegau i de mee abodonu e doe i daho dangada.

Matthew 6:2

Deenei ai, noo goodou gu gaavange hanu mee gi tangada e duasala, aagai goodou gi dee ilihia denga trumpet i mua, bei dagodo hegau a dangada e daahangadia dangada, i denga synagogue ma honga denga haiava, gi duuhia ai e dangada gilaadeu. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Luke 18:8

Au e hai adu gi goodou, e deai, ia e hagamoolau naa donu ga bale ange gilaadeu. Gai e aha, e maua naa e Tama a Tangada i de gidee hanu e kai i henua i lalo, i dono masavaa e ahe mai ai?”

Luke 22:33

Gai Peter ga hai ange gi de ia, “Tagi Maolunga, au gu baba ange donu e hano gi lo te hale pono ma de magau madali goe!”

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

Proverbs 27:2

Dugua ange dahi dangada gee gi duuhia goe, e dee go koe e duuhia goe; dahi dangada gee gi duuhia goe, e dee go koe.

Proverbs 25:14

Tangada e tala tuhi ana mee ngadi gaavange tigi gaavange laa, e bei denga giliiga ma de madangi e deai laa se langi e pala iho ai.

Jeremiah 5:1

“Goodou saavini saele naa i honga denga haiava o Jerusalem, ma de ssala naa i lo te aduhale be e gidee dahi dangada. Noo goodou e gidee dahi dangada daudahi e hai hegau i de heohi ma de ssala de muna abodonu, gai au ga degi ange gi de aduhale nei.

2 Corinthians 12:11

Au ne basa be se dangada lodo senga! Gai go goodou donu ne hidi ai. De mee heohi, go goodou donu e duuhia ngau. Go hiidinga au e dee maolalo ange donu i dangada e hagataba naa bolo gilaadeu ni dangada tala maolunga, e dee galemu donu au se dangada e dee dau.

John 1:47

Gai ga gidee huu e Iesu Nathanael i dono masavaa ne dae mai ai, gai ia ga tala ono dagodo ga hagadaba, “Taane nei se daane Israel abodonu, gai e deai donu se muna hhadu i ono daha!”

Luke 18:28

Peter ne hai ange gi de ia, “Gimaadeu gu dugu amaadeu mee hugadoo gai ga daudali adu i de goe.”

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Ecclesiastes 7:28

de masavaa aagu ne ssala ai, gai au tigi gidee donu — gai au ne gidee dahi daane heohi i magavaa o e mano daane, aagai teai donu se hine heohi i olaadeu magavaa alodahi.

Proverbs 20:5

Hagatau i lodo o tangada e bei de vai gelo, aagai tangada e donu ange laa e hai gi ssula age mee nei.

Psalm 12:2

Dangada alodahi gu hagadau hadu muna; alaadeu muna e hagasegesege ange dangada i de mee hhadu.

Micah 7:1

Gu vakaa loo au! Au gu bei tangada e hagihagia laa huamanu lleu, ma de ogo i dua de hagihagi o de veelengaa grape; gu deai donu gau looloa grape aagu e gai, gai gu deai hogi hua fig lleu aagu e hiigaina laa.