Proverbs 20:22 - De Beebaa Dabu

²² Aude hagadaba, “Au e sui ange donu hegau baubau a dahi!” Koe haia Tagi Maolunga go dau tali, gai ia ga hagaola ai goe.

Proverbs 20:22 Referans Kwoze

1 Thessalonians 5:15

Goodou dagidiiloo gi dee suuia ange e goodou de baubau i de baubau, aagai gi dee helui doodou hagadau hai tanuaa i oodou magavaa, aama ange hogi gi dangada alodahi.

Proverbs 24:29

Aude hagadaba, “Au e hai ange naa gi de ia ana mee ne hai mai gi de au; au e sui ange naa donu ana mee ne hai.”

Proverbs 17:13

Noo tangada e sui ange tanuaa i de baubau, gai de baubau e dee hano gee naa donu i dono hale.

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.

Deuteronomy 32:35

Go au e suuia ange de baubau, go au e hagao ina ange. Gai e dae mai naa de masavaa olaadeu e baakuu ai, gai de laangi olaadeu e hai ngadaa ai gu baa mai donu, gai e moolau naa donu de tae mai mee nei gi gilaadeu.”

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.

Matthew 5:39

Aagai au e hai adu gi goodou, goodou aude suuia ange hegau a tangada baubau, aagai noo dahi dangada e hagaili doo galaahuu madau, gai koe huli ange doo galaahuu ange laa gi de ia.

1 Peter 4:19

Deenei ai, gilaadeu e hagaduasala ina laa bei dagodo de hagatau a de Maadua, gi haia de mee heohi ma de dugu ange olaadeu hagasaalunga gi de ia ne haia gilaadeu, ia e hai hegau i de mee heohi.

Psalm 27:14

Koe gi tali hagalodolodo ange gi Tagi Maolunga; koe gi lodo mmahi ma de lo taane, aama de tali ange Tagi Maolunga.

2 Samuel 16:12

Kana adu Tagi Maolunga e gidee naa dogu duasala, gai ia ga sui mai ana muna hagamaolunga gu tala nei i de au anailaa nei i tanuaa.”

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Psalm 37:34

Daalia ange Tagi Maolunga ma de daudali i dono haiava. Gai ia ga hagaamua goe, ga hai goe gi henua i de henua; gai koe e gidee naa de maakau o de gau baubau.

Proverbs 20:21

Mee a tangada ne moolau de kave i taamada, e deai donu se manuuia iai i muli mai.

Leviticus 19:18

Aude suuia ange de baubau, aabe e golo age doo lili i dahi oo dangada, aagai koe aloha i tangada e baa adu gi de goe, bei doo aloha donu i de goe. Go au go Iahweh.

1 Samuel 25:13

Gai David ga hai ange gi ono daane, “Goodou daulia oodou gadilaasa!” Gai denga daane alodahi ga dau alaadeu gadilaasa. David ne dau hogi dana gadilaasa, gai agu made e haalau daane ne hulo madali David, aagai e lualau daane ga tilo ange denga goloa.

Psalm 37:40

Tagi Maolunga e bale ange ma de hagaola gilaadeu; ia e hagaola mai gilaadeu i de gau baubau ma de hagamouli gilaadeu, i hiidinga gilaadeu e hai ia go delaadeu buibui.

Proverbs 19:11

Tangada maanetonu e dee moolau de lili, gai ia e hagadubulia i dono dee anga ange gi de haisala ange o dahi gi de ia.