Proverbs 2:14 - De Beebaa Dabu

¹⁴ gilaadeu e malangilangi i de hai mee dee heohi ma de llodo danuaa i de hagammahi e hai de baubau;

Proverbs 2:14 Referans Kwoze

Proverbs 10:23

Tangada lodo senga e hakadanga i dahulinga baubau, aagai de heiangi se mee hagamalangilangi ange gi tangada e dahi ono donu ange.

Romans 1:32

Gai e dee galemu donu delaadeu iloo dagodo o de hagamodu heohi a de Maadua, bolo dangada e haia hegau bee nei e maakau donu, gai gilaadeu e dee duudagi donu huu de hai mee nei, aagai gilaadeu e malangilangi donu hogi i dangada e haia mee nei.

Jeremiah 11:15

Ni aha a de ia oogu e aloha ai laa e hai i dogu hale daumaha, i dana hai hegau hakino gee lagolago madali dangada? E aha, e maua e kano manu i de hai gi dee hagaduasala goe? De masavaa aau e hai ai au hegau hakino gee, gai koe e malangilangi laa?

1 Corinthians 13:6

De aloha e dee malangilangi i de mee dee heohi, aagai e malangilangi i de muna abodonu.

Zephaniah 3:11

De laangi laa, gai koe e dee dogaa naa, i hiidinga o au hegau, go mee oou ne haisala mai ai gi de au, go hiidinga au e kave gee mai naa i oo daha de gau pasa hagamaolunga. Gai koe e dee aahe ange e hagamaolunga i honga dogu mounga dabu.

Hosea 7:3

Gilaadeu e hagamalangilangi denga hodooligi i alaadeu dahulinga baubau, gai e hagamalangilangi denga dagi i alaadeu muna hhadu.

Habakkuk 1:15

De hagadaumee e hhudi gilaadeu alodahi i denga maadau, ia e buulou gilaadeu i dana galauna, ma de hhudi mai gilaadeu i dana galauna; deelaa ai, ia gu malangilangi ma de lodo danuaa.

Proverbs 21:10

Tangada baubau e lodo mmao i de baubau, gai ia e dee abodonu ange gi tangada e baa ange gi de ia.

Proverbs 4:16

Go hiidinga gilaadeu e dee sseni naa donu ga dae ai gi delaadeu hai de baubau; gilaadeu e dee maua gi sseni ga dae ai gi delaadeu hai dahi dangada ga haisala.