Proverbs 19:7 - De Beebaa Dabu

⁷ Dangada o tangada hagaau aloha e hagangadi mee ia, gai ono soa e kii ange donu de hagammao gee i de ia! Gai ga hagammahi naa donu ia ga dangidangi ange gi gilaadeu, gai ia e dee gidee donu gilaadeu.

Proverbs 19:7 Referans Kwoze

Proverbs 19:4

De lava o tangada e hai ga soa ono soa, aagai ssoa o tangada hagaau aloha e tili naa ia.

Proverbs 21:13

Be goai e bonodia luoono dalinga, i de masavaa o de gau hagaau aloha e tangi ai, gai e deai naa hogi dangada e balea ange ia, i de masavaa oona e dangi ai.

Proverbs 18:23

Tangada hagaau aloha e dangidangi, aagai tangada lava e pada ana muna e basa ange ai.

Psalm 38:11

Ogu soa ma gilaadeu e heloongoi mai gu dee aanga mai gi de au i dogu magi, gai dangada e paa mai gu hagammao gee i de au.

James 2:6

Aagai goodou gu hagangadi mee tangada hagaau aloha. Gai e dee go de gau lava e vaivai haia naa goodou ma de gaavange goodou gi de hainga?

Proverbs 14:20

Dangada e paa ange gi tangada hagaau aloha e kino donu hogi i de ia, aagai tangada lava e soa dangada e hai soa ange gi de ia.

Psalm 88:18

Koe gu hai ogu soa ma ogu soa hagaaloha gi dee aanga mai gi de au; go de gohu donu huu dogu soa.

Psalm 88:8

Koe gu hai ogu soa gi dee aanga mai gi de au; koe gu hai au gi se mee niiolaadeu e kino ai. Au gu bonodia ange ma gu dee maua i de sao mai;

Proverbs 10:15

Goloa lagolago o tangada lava e bei de aduhale gu buibui laa ma gu makaga, aagai de hagaau aloha o tangada e hai ga dee hagadagadaga age ia.

Psalm 38:12

Gilaadeu e llodo e daa au gi magau gu dugu alaadeu sele, gilaadeu e hagatau delaadeu hai e hagalagohia ai au; gilaadeu e hagatau delaadeu hai e daahanga ai dangada mai i taiao ga boo ai.

Proverbs 27:10

Aude dilia doo soa ma ssoa o doo damana; aude hano gi de hale o doo daina i de masavaa oou e hai ngadaa ai. E danuaa ange doo hano gi daho tangada e baa adu laa gi de goe i doo hano gi doo daina e mmao gee laa.