Proverbs 19:23 - De Beebaa Dabu

²³ De madagu i Tagi Maolunga e hano ga duu ange gi de mouli, gai e hai tangada ga baba ono lodo, gai e dee duu ange gi de hai ngadaa.

Proverbs 19:23 Referans Kwoze

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Proverbs 12:21

E deai donu se hai ngadaa e duu ange gi gilaadeu e heohi, gai de gau baubau e lagolago donu olaadeu hai ngadaa.

Psalm 90:14

Hagadanuaa ina gimaadeu i doo abodonu i taiao, gi llodo danuaa ai gimaadeu ma de malangilangi i taulooloa omaadeu mouli.

1 Timothy 4:8

go hiidinga de agoago ga hagaabo de angaanga e hanu ono haigamaiana, aagai de hai lodo o de Maadua e haigamaiana ange gi mee alodahi, go hiidinga go kilaa iai de hagatoo donu ange gi de mouli nei aama de mouli e humai.

Proverbs 10:27

De madagu i Tagi Maolunga e hai ga daulooloa de mouli o tangada, aagai ngadau o de gau baubau e tuu mai naa gi sogoisi.

Psalm 103:17

Aagai de abodonu o Tagi Maolunga se mee ange gi gilaadeu e maatagu i de ia, mai i de masavaa e dee ngado mai ga dae ai gi de masavaa e dee ngado mai, gai dono heohi e dohu ange gi denga atangada alodahi,

Psalm 85:9

Ni muna abodonu, dana hagaola e dee mmao gee donu i gilaadeu e maatagu i de ia, gi dagodo ai de mahamaha o Tagi Maolunga i honga taadeu henua.

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Psalm 91:16

Au e hagamanuuia naa ia i de mouli daulooloa, ma de hagaago ange dagu hai e hagaola ai ia.”

Psalm 25:13

Tangada bee nei e hagadagadaga age i laangi alodahi, gai dono aamuli e henua naa i de henua.

2 Timothy 4:18

Gai Tagi Maolunga e hagaola naa donu au mai i denga hegau baubau alodahi, ma de hagaola au ga kave gi dono nohoanga hodooligi i de langi. Gai hagamahamaha ina ia ga hano ai e dee ngado mai. Amen.

Psalm 19:9

De madagu i Tagi Maolunga e gilimalali, gai e dagodo ga hano ai. De hagamodu a Tagi Maolunga se muna abodonu gai e heohi alodahi.

Acts 9:31

Aagai denga nohoanga dabu alodahi i Judea ma Galilee aama Samaria gu nnoho paba ma de hagadagadaga age. Gilaadeu gu hai hegau i de madagu i Tagi Maolunga ma de hagaaneane i daho de Hagasaalunga Dabu, gai gilaadeu gu hagadaga ange donu de soa.

Psalm 91:10

gai e deai naa donu se baubau e baa i de goe, aabe se mee hagamaakau e humai gi doo mommee noho.

Proverbs 11:19

Tangada e hagaduu ngae laa i de mee heohi e mouli, aagai tangada e hagaduu ngae laa i de baubau e magau donu.

Proverbs 19:22

De mee e heohi i de hai go de abodonu; gai e danuaa ange de hagaau aloha o tangada i dono hai ga se dangada hadu muna.

Proverbs 3:24

de masavaa oou e dagodo ai gi lalo, gai koe e dee madagu; de masavaa oou e dagodo iho ai e seni, gai koe e seni danuaa naa.

Proverbs 22:4

De hagaoanga o de lodo maolalo ma de madagu i Tagi Maolunga, go de lava ma de hagadubu, aama de mouli.