Proverbs 19:11 - De Beebaa Dabu

¹¹ Tangada maanetonu e dee moolau de lili, gai ia e hagadubulia i dono dee anga ange gi de haisala ange o dahi gi de ia.

Proverbs 19:11 Referans Kwoze

Proverbs 16:32

Tangada e golomagi ina laa ono lodo e danuaa ange i dahi daane dau o de hebagi, tangada e golomagi ina ono lodo i dono lili e danuaa ange i taane e hagadee kii ina dahi aduhale.

Proverbs 14:29

Tangada e dee moolau laa de lili se dangada e laumalie dono donu, aagai tangada e moolau laa de lili e hagaago mai dono lodo senga.

James 1:19

Denga daina hagamogomogo, goodou gi iloo de mee nei: dahi ma dahi gi moolau dana hagallongo, aagai gi dee moolau dono basa aabe go dono lili,

Proverbs 15:18

Tangada e moolau laa de lili e hai ga hagadaumee dangada, aagai tangada e golomagi ina ono lodo e hai ga tuu de hagadaumee o dangada.

Proverbs 12:16

Tangada lodo senga e moolau donu de hagaago mai dono lili, aagai tangada maanetonu e dee anga ange gi muna hagadookaa.

Ephesians 4:32

Gai goodou gi hagadau abodonu ma de hagadau aaloha, ma de hagadau degi ange gi haisala i oodou magavaa, bei de hai a de Maadua ne degi adu ai laa gi goodou i daho Klisdo.

Proverbs 20:3

Tangada e hagaui gee i de hebagi se dangada hagadubu, aagai de gau lodo ssenga alodahi e dee modu de hagadaumee.

Proverbs 25:21

Noo doo hagadaumee gu hiigai, gai koe haangai ina ange ia; noo ia gu hieunu, gai koe hagaunumia ange ia.

Proverbs 17:14

Taamada o de hagadaumee e bei de maoha o dahi bae e daohia vai, deelaa ai, duudia de hagadaumee i mua de daamada.

2 Kings 5:12

E aha, Abana ma Pharpar, luu saalingaa vai i Damascus, e dee danuaa ange laa i denga vai alodahi i Israel? Gai e aha, tee maua e au i de hano e gaugau i kilaa gi gilimalali ai au?” Gai ia ne huli ga hano gee mai i kilaa, ia gu lili mmao.

Proverbs 11:13

Tangada hai samu e tala mee e dee tala, aagai tangada e hai hegau laa i de mee abodonu e daohi de mee e dee alaange de tala.

Proverbs 29:11

Tangada lodo senga e hagasula mai donu dono lili, aagai tangada heiangi e golomagi ono lodo.

Proverbs 20:22

Aude hagadaba, “Au e sui ange donu hegau baubau a dahi!” Koe haia Tagi Maolunga go dau tali, gai ia ga hagaola ai goe.