Proverbs 18:5 - De Beebaa Dabu

⁵ E dee danuaa doo hagabuni ange gi tangada baubau, aabe go de hagamodu muna o tangada tigi haisala i mee dee heohi.

Proverbs 18:5 Referans Kwoze

Leviticus 19:15

Aude hagahaisala ina de hagamodu muna heohi; aude haia gi dagodo gee dau hai e hai ai tangada hagaau aloha ma tangada lava, aagai koe gi hagamodu ina muna o tangada e baa adu gi de goe i de heohi.

Proverbs 28:21

De hilihili dangada e dee se hegau danuaa; aagai tangada e hai naa donu de mee dee heohi i hiidinga o de ngadi gaavange hagasenga.

Deuteronomy 16:19

Aude hagahaisala de hagamodu heohi, aabe gi hilihili dangada. Aude gaavee de mee ngadi gaavange hagasenga, go hiidinga de ngadi gaavange hagasenga e hai ga dee gidee e tangada heiangi de mee heohi, ma de hagahaisala muna a dangada e heohi laa.

Psalm 82:2

“Dee hee maa taulooloa doodou dee hagamodu muna i de heohi, ma doodou hagabuni ange gi de gau baubau? Selah

Proverbs 24:23

Aanei ange hanu muna a de gau heiangi. E dee se mee danuaa de hilihili dangada i de masavaa e hagamodu ai muna.

Proverbs 17:15

Tangada e hagaheohi ina laa tangada haisala, gai e hagabaubau tangada heohi — Tagi Maolunga e kino i luu hegau nei ngaadahi.

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Isaiah 5:23

go gilaadeu e degi ange gi tangada gu haisala i hiidinga o de ngadi gaavange hagasenga, aagai e dee hagamodu muna o tangada tigi haisala i de mee heohi.

De Beebaa go Job 34:19

Go ia e dee hilihili dangada ange gi dagi o de henua, gai e dee kii ange dono abodonu ange gi de gau lava i de gau hagaau aloha, go hiidinga go ia ne haia gilaadeu alodahi.

Micah 7:3

Luu lima ngaadahi gu aabo i de hai de baubau; gai tagi ma tangada hagamodu muna e hai gi de mahi denga mee ngadi gaavange, ma de kave mee ngadi gaavange hagasenga; de gau maolunga e tala ange gi dangada olaadeu mee e llodo ai — gilaadeu e hagaheloongoi i olaadeu magavaa.

Isaiah 59:14

Gai de hagamodu muna heohi gu buibuia, de heohi gu mmao gee; gai mee abodonu gu dee gidee i denga aduhale, gai de muna abodonu gu dee gidee hogi.

Exodus 23:2

Aude ago ange i dangada soa gi haia ai de baubau, aabe gi hagahaisala ina de hagamodu heohi, i doo hagabuni ange gi dangada soa,

Exodus 23:6

Aude buibuia de hagamodu heohi ange gi tangada hagaau aloha, i de masavaa e hagamodu ai ono muna.

Proverbs 17:26

E dee danuaa de hai tangada heohi gi hagao ina ono mee tee haisala ai; aabe go de hagaduasala denga dagi e haia de mee heohi.

Proverbs 31:5

kana unu gilaadeu ga ssenga ga ngalo denga hainga gu hagasauaa, gai gilaadeu ga kave gee de heohi o dangada alodahi e duasala.

Micah 3:9

Goodou dagi o dangada o Jacob, goodou dagi o de gau Israel, nnoho mai hagalaangona. Goodou e kino i de hagamodu muna heohi, gai e hagahaisala mee heohi alodahi.

Exodus 23:3

gai aude vae dangada ange gi tangada hagaau aloha, i de masavaa e hagamodu ai ono muna.