Proverbs 18:3 - De Beebaa Dabu

³ De masavaa naa huu e humai ai de baubau, gai de hagangadi mee e humai hogi, gai hagadogaa e humai hogi madali tee hagadubu.

Proverbs 18:3 Referans Kwoze

Proverbs 22:10

Haia gi hano gee tangada doo i mee, gai gu deai hogi se hebagi, ma de hagadaumee aama de hagadogaa.

1 Peter 4:14

Noo goodou e hagadookaa ina i hiidinga de ingoo o Klisdo, gai goodou gu manuuia, go hiidinga de Hagasaalunga o de mahamaha, e bei go de Hagasaalunga o de Maadua, e noho i oodou elunga.

Proverbs 29:16

De masavaa naa huu o de gau baubau e hagadaga age ai, gai de baubau e hagadaga age naa hogi; aagai de gau heohi e gidee naa delaadeu hagadee kii ina.

Proverbs 11:2

De sula age o de lodo maolunga e gaamai naa hogi de hagadogaa, aagai de lodo maolalo e humai naa hogi madali de heiangi.

1 Peter 4:4

Gai iainei gilaadeu gu llele mouli i doodou dee hagabuni ma gilaadeu e hai ai denga dahulinga baubau, gai gilaadeu gu hagabaubau goodou.

Psalm 69:20

Au gu kona mmao de mmae ogu lodo i dogu hagadogaa ina, gai au gu dee baba ogu lodo. Au ne ssala dahi gi lodo aloha mai gi de au, aagai au tee gidee dahi dangada daudahi; au ne ssala dahi dangada gi hagaaneane ina ogu lodo, gai au tee gidee dahi dangada daudahi.

Psalm 69:9

Ogu lodo gu honu i de lodo gaiaa i hiidinga o doo hale; gilaadeu e hagadogaa ina goe e hagadogaa donu hogi au.

Nehemiah 4:4

Gai au ne dalodalo ga hai ange, “Demaadeu Maadua, hagalaangona, go hiidinga gimaadeu gu hagangadi mee ina; hagaahea ange gi gilaadeu alaadeu muna, gai haia gi noonoodia gilaadeu gi gaavee gi dahi henua gee.

1 Samuel 20:30

Gai Saul gu lili mmao i Jonathan, ga hai ange gi de ia, “Koe se dama baubau ma de hai dau hai bei doo dinana! Au e iloo bolo koe e hagabuni ange gi tama daane a Jesse, koe e hagadookaa donu huu gooluu ma doo dinana ne hanaua naa goe!

Proverbs 18:2

Tangada lodo senga e dee malangilangi i de hai gi donu ange ia, aagai e lodo donu huu e tala ana mee e maanadu.

Proverbs 18:4

Muna a tangada e tala e bei de vai gelo, aagai tagelo o de heiangi e bei ssaalingaa vai e sali laa.

Proverbs 13:5

Tangada heohi e kino i de tala muna hadu, aagai hegau a tangada baubau e hagadookaa ma de hagangadi mee ina.