Proverbs 18:22 - De Beebaa Dabu

²² Tangada e gidee laa dahi bodu moona gu gidee dahi mee danuaa, gai Tagi Maolunga gu abodonu ange gi de ia.

Proverbs 18:22 Referans Kwoze

Proverbs 19:14

Denga hale ma de lava ni mee ne bolo mai i daho denga maadua, aagai de hine dau bodu heiangi se mee mai i daho Tagi Maolunga.

Proverbs 12:4

De hine danuaa e bei de hau mahamaha i honga de biho o dono bodu, aagai de hine hagadogaa dangada e bei de mee e haia laa ga pobo ono ivi.

Ecclesiastes 9:9

Koe gi malangilangi madali doo bodu, go de ia oou e aloha ai, i laangi alodahi e deai haigamaiana, a de Maadua gu gaavadu i doo mouli i lalo de laa, go hiidinga deenei doo duuhanga i de mouli nei, ma au hegau i lalo de laa.

1 Corinthians 7:2

Aagai go hiidinga gu kona de dagodo haisala o dangada, deelaa ai, taane gi haia donu gi dahi ono bodu, gai de hine gi haia hogi gi dahi ono bodu.

Genesis 2:18

Gai Tagi Maolunga go de Maadua ga hagadaba, “E dee danuaa de noho sogosogo o taane, au e gaavange naa gi de ia dahi dangada bale e heohi ange gi de ia.”

Hosea 12:12

Jacob ne savini ga hano gi de henua go Syria; Israel ne hai hegau gi maua ai dono bodu, ma de hagaloosi denga ssiibi e hagao ai dono bodu.

Proverbs 8:35

Go hiidinga be goai e gidee au e gidee de mouli, gai Tagi Maolunga e abodonu ange gi de ia.

Proverbs 3:4

Gai de Maadua ma dangada e hagadubu naa goe ga hagaamua doo ingoo.

Genesis 24:67

Gai Isaac ga gaamai tamaa hine laa gi de hale malo o Sarah, dono dinana, ga hai bodu ange gi de ia; gai Isaac gu aloha i de ia. Deelaa ai, Isaac gu helui dono hinangalosaa i dua de magau o dono dinana.

Genesis 29:28

Gai Jacob ne tali gi odi de uvigi laa. Gai Laban ga gaavange hogi dana damaa hine go Rachel gi de ia.

Ruth 4:10

Gai au e kave hogi a Ruth de hine Moab, de bodu o Mahlon, e hai ai dogu bodu. Gai gimaau ga hai ai gi dee lilo de ingoo o demaadeu daina gu magau laa i honga dono alahenua, ma mai i daho dono huaabodu aama mai i dono aduhale. Anailaa nei gai goodou gu hai ai de gau hagadonu o mee nei!”