Proverbs 18:18 - De Beebaa Dabu

¹⁸ De hai tada e hai gi dee hagadaumee dangada, ma de vvae magavaa o de gau mmahi e hai baasi laa.

Proverbs 18:18 Referans Kwoze

Proverbs 16:33

Dangada e dada denga laagau, aagai go Tagi Maolunga e hagamodu ina mee alodahi.

Nehemiah 11:1

Gai dagi o dangada ne nnoho laa i Jerusalem, gai de gau Israel ange laa ne dada denga laagau ga hilihili ai e dagidahi mai i e madaangahulu dangada gi nnoho i Jerusalem, de aduhale dabu, gai de gau ange laa gi nnoho i olaadeu aduhale.

1 Chronicles 24:31

Denga daane nei ne dada hogi olaadeu duuhanga hegau bei olaadeu daina go denga daane de aamuli o Aaron, i mada i mua o de hodooligi go David ma Zadok, ma Ahimelek, aama dagi o denga huaabodu o de gau haimeedabu ma dagi o de aamuli o Levi. Gai ne dagodo daudahi donu huu delaadeu hai ne hili ai dangada i de huaabodu o taina madua aama taina gauligi.

1 Chronicles 6:63

Gai denga hagadiilinga i de aamuli o Merari ne kave e madaangahulu ma lua aduhale mai i de vaaenga o Reuben, ma Gad, aama Zebulun.

1 Samuel 14:42

Gai a Saul ga hai ange, “Gimaau ma dagu dama go Jonathan ga hai tada e tilo ai be goai de gimaau.” Gai gu gidee bolo go Jonathan.

Joshua 14:2

Gai de boolonga o denga aamuli e siva ma dahi luu baasi de aamuli o Manasseh, ne vaevae ange naa gi gilaadeu i hai tada, bei de hai a Tagi Maolunga gu tala ange ai gi dangada i daho Moses.

Proverbs 18:17

Tangada e daalaa dono heohi i mua, e dulagi be go ia e heohi, ga dae ai gi de humai o dahi ga hai ssiilingaa muna.

Proverbs 18:19

Tangada gu lili laa e makaga ange ono lodo i de aduhale buibui makaga, gai de hagadaumee e bei baalanga hagamakaga o de hale buibui makaga.

1 Samuel 14:41

Gai a Saul ne hai ange gi Tagi Maolunga, de Maadua o Israel, “Gu aha gu dee basa mai ai naa goe gi de au, doo dangada hai hegau anailaa nei? Noo go au aabe go dagu dama go Jonathan ne haisala, gai Tagi Maolunga, de Maadua o Israel gi hagaagona mai i de Urim, aagai noo go denga daane o Israel ne haisala, gai hagaagona mai i de Thummim.”  Gai ne hagaago ange bolo go Jonathan ma Saul ne haisala, gai denga daane gu ola.