Proverbs 18:14 - De Beebaa Dabu

¹⁴ Tangada e maua i de hagauda dono magi, aagai goai e maua i de hagauda de mmae o de lodo?

Proverbs 18:14 Referans Kwoze

Proverbs 15:13

De lodo e malangilangi laa e hai luu mada o tangada ga malangilangi, aagai de lodo hinangalosaa e hagadaemaha de hagasaalunga o tangada.

Proverbs 17:22

De malangilangi i lodo o tangada e bei de valaai danuaa, aagai de daemaha lodo o tangada e hai ga deai ono mahi.

1 Peter 1:6

Goodou llodo danuaa i hiidinga o mee nei, e dee galemu donu goodou e hagaduasala iainei, i denga hagadaagangaa hagatale i dahi masavaa bodobodo.

James 1:2

Denga daina, goodou gi malangilangi i de masavaa oodou e tuu ange ai gi denga hagadaagangaa hagatale,

Psalm 147:3

Ia e hagaieiangi naa gilaadeu gu daemaha olaadeu lodo, ma de saabini olaadeu maanuga.

2 Corinthians 2:7

deenei ai, goodou degi ange gi de ia ma de hagaaneane ina ono lodo, gi dee kona ai dono daemaha.

Psalm 109:22

Au gu duasala ma de hagaaloha ogu dagodo, gai ogu lodo gu daemaha mmao.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

Psalm 55:5

Au gu madagu ma de bolebole; de mee hagamaatagu gu hagamadagu au.

Psalm 55:3

i muna a ogu hagadaumee, ma mee hagadaemaha a de gau baubau. Gilaadeu e hagahai ngadaa dogu mouli, gai e vaivai hai au i delaadeu kino i de au.

De Beebaa go Job 6:4

Denga dao a de Ia Mmahi Mmao laa gu tili ma gu ulu au, gai au gu unu olaadeu mee hagammau; mee hagamaatagu a de Maadua gu hagatau e hai baasi mai gi de au.

Exodus 6:9

Aanei muna a Moses ne tala ange gi de gau Israel, aagai gilaadeu tee llodo e hagallongo ana muna, go hiidinga gilaadeu gu mmade ange olaadeu aalanga i de kona delaadeu vaivai haia.