Proverbs 18:12 - De Beebaa Dabu

¹² De hagaodi o de lodo maolunga o tangada go de magau, gai de hagaodi o de lodo maolalo go de hagadubu.

Proverbs 18:12 Referans Kwoze

Proverbs 15:33

De madagu i Tagi Maolunga e agoago ange tangada i de heiangi, gai de lodo maolalo e humai i mua de hagadubu.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Proverbs 11:2

De sula age o de lodo maolunga e gaamai naa hogi de hagadogaa, aagai de lodo maolalo e humai naa hogi madali de heiangi.

Ezekiel 28:2

“Tama a tangada, hai ange gi de hodooligi o Tyre, ‘E hagadaba de Ia Aamua go Iahweh: Koe e hagadaba i doo lodo maolunga, “Au se maadua; au e noho i honga de nohoanga o dahi maadua, i lo te ungaalodo o de moana.” Aagai koe se dangada donu huu, e dee se maadua, gai koe e maanadu bolo koe e heiangi bei dahi maadua.

Proverbs 29:23

De lodo maolunga o tangada e hai ga maolalo ia, aagai tangada lodo maolalo e kave naa de hagadubu.

Proverbs 16:18

De hagaodi o de hagamaolunga go de magau, gai de hagaodi o de lodo maolunga go tee sula o tangada.

Luke 14:11

Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Ezekiel 28:9

E aha, e maua naa huu e goe i de hagadaba, “Au se maadua,” i madamada o dangada e daia goe ga magau? Koe e bei donu huu dagodo o dangada e maakau laa, e dee se maadua, i de masavaa alaadeu e poo ai goe ga daa gi magau.

Daniel 9:23

De masavaa oou ne daamada ai de dalodalo, gai gu basa adu gi dau dangidangi, gai au gu humai e tala adu gi de goe, go hiidinga koe e hagamogomogo mmao ⌊i daho de Maadua⌋. Deenei ai, hagasaelea muna nei ma de hai gi donu ange goe gi de midi:

Daniel 9:20

Gai de masavaa aagu e tala ai agu muna ma de dalodalo, ga tala ogu haisala ma haisala o ogu dangada go de gau Israel, aama de dangidangi ange gi Tagi Maolunga dogu Maadua i hiidinga o dono mounga dabu —

Ezekiel 29:9

Gai de henua go Egypt e maoha naa ga ngadi dagodo. Gai gi iloo ai e gilaadeu bolo go au donu go Iahweh. Go hiidinga koe ne hagadaba, ‘De Nile niiagu, go au ne haia,’

1 Kings 3:7

Tagi Maolunga dogu Maadua, anailaa nei gai koe gu hai au, doo dangada hai hegau, gi suuia dogu damana go David gi hodooligi ai, gai au se gauligi donu huu; au e dee iloo donu be ni aha aagu e hai.