Proverbs 17:24 - De Beebaa Dabu

²⁴ Tangada e dahi ono donu ange e daohi de heiangi i mada luoono mada, aagai luu mada o tangada lodo senga e galo gi de bido laa o henua i lalo.

Proverbs 17:24 Referans Kwoze

Ecclesiastes 2:14

Tangada heiangi e hanu ono ganomada e tilo ai, gai tangada lodo senga e seesee i lo te gohu; aagai au gu donu ange bolo gilaau ngaadahi e tuu ange naa gi de mee daudahi.

Ecclesiastes 8:1

Goai e bei dagodo o tangada heiangi? Gai goai e iloo de hagadoonunga o dahi mee? De heiangi e hai ga maalama luu mada o tangada, ma de sui gi dee dagodo lili luoono mada.

1 John 2:16

Go hiidinga mee alodahi i henua i lalo — go lodo baubau o de angaanga, ma mee a luu ganomada e nnoo ange laa aagena, aama mee a tangada e tuhi ai laa ia — e dee ni mee mai i daho Tamana aagai ni mee mai i henua i lalo.

Ecclesiastes 6:9

E danuaa ange doo malangilangi i au mee e gidee, i doo galo ange gi mee e deai i oo daha. De mee nei e deai hogi ono haigamaiana, gai e bei de ngadi doolohi a tangada de madangi.

Proverbs 14:6

Tangada doo mee e ssala de heiangi, gai e dee gidee e ia, aagai de iloo mee e hai ngaohie ange gi tangada e donu ange laa.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Proverbs 23:5

De masavaa donu huu aau e gidee ai, gai gu dee maaleva, go hiidinga mee nei e llele ga hulo, bei de igele e lele laa ga hano gi lo te moana i lunga.

Proverbs 15:14

Tangada e donu ange laa e lodo e hagalaumalie dono iloo mee, aagai tangada lodo senga e noho donu huu i dono ssenga.

Psalm 119:37

Hagahulia gee luoogu mada i mee e deai olaadeu haigamaiana; gai hagaola ina dogu mouli gi bei dagodo o au muna.

Proverbs 17:25

Tama lodo senga e hagadaemaha dono damana, gai e hagammae lodo o de ia ne hanaua ia.