Proverbs 17:17 - De Beebaa Dabu

¹⁷ Ssoa abodonu e aloha i masavaa alodahi, gai taina ne haanau ange gi de masavaa o de hai ngadaa.

Proverbs 17:17 Referans Kwoze

Proverbs 18:24

Tangada e soa laa ono soa, e duu ange naa donu gi de hai ngadaa, aagai e dahi dangada se soa e kii ange de baa ange gi de ia i dono daina donu.

1 Samuel 20:17

Jonathan ne hai hogi David gi hagatoo donu ange gi de ia, i hiidinga David e aloha i de ia; gai Jonathan e aloha hogi i David bei dono aloha donu i de ia.

Proverbs 19:7

Dangada o tangada hagaau aloha e hagangadi mee ia, gai ono soa e kii ange donu de hagammao gee i de ia! Gai ga hagammahi naa donu ia ga dangidangi ange gi gilaadeu, gai ia e dee gidee donu gilaadeu.

1 Samuel 18:3

Gai Jonathan ne hai dahi hagatoo donu hagaheloongoi madali David, go hiidinga ia gu aloha i David, bei dono aloha donu i de ia.

Hebrews 2:11

Gai de ia ne haia ga dabu dangada ma gilaadeu ne hai ga dabu ne loomai i se huaabodu daudahi. Deelaa ai, ia e dee dogaa i de hagadaba bolo gilaadeu ni daina niiona,

Ruth 1:16

Aagai a Ruth ne hai ange, “Aude usuusuhia mai au gi hano gee mai i oo daha, aabe gi dee daudali adu i de goe. Be go hee oou e hano aagena, gai go kilaa hogi oogu e hano ai, gai be go hee oou e noho ai, gai go kilaa hogi oogu e noho ai. Oo dangada go ogu dangada, gai doo Maadua go dogu Maadua.

Esther 4:14

Gai noo koe e noho donu huu ga dee muu i de masavaa nei, gai de ilaage ma de hagaola o de gau Ssuu e humai naa i dahi mommee gee, aagai koe ma doo huaabodu e maakau donu. Gai goai e iloo, be koe tee hili ange naa gi tuulanga o de hine hodooligi, i hiidinga o de masavaa bee nei?”

2 Samuel 1:26

Dogu daina go Jonathan, au gu hinangalosaa mmao i de goe; koe ne abodonu mmao mai gi de au; doo aloha i de au e mahamaha mmao, gai e kii ange i de aloha o denga haahine.

1 Samuel 23:16

Gai Jonathan, tama daane a Saul, ne humai gi daho David i Horesh, ga hagammahi ange ia i lodo o de Maadua.

1 Samuel 19:2

Gai Jonathan ne tala ange mee nei gi David, ga hai ange, “Dogu damana e ssala dahi hai e daa ai goe gi magau. Deenei ai, koe dagidiiloo taiao daiao; koe hannoo mmuni i dahi mommee ga noho ai.

2 Samuel 15:21

Aagai Ittai ne hai ange gi de hodooligi, “Au e hagatoo donu i de mouli o Tagi Maolunga, ma de mouli o dogu dangada aamua go de hodooligi: be go hee naa huu o de hodooligi e noho ai, e dee galemu be ia e daia ga magau aabe e ola, gai go kilaa hogi oogu e nnoho ai.”

1 Samuel 19:3

Gai au e hanadu naa ga duu madali dogu damana, i gaogao doo mommee e mmuni ai. Gai au e madaangudu ange gi de ia i oo dagodo. Gai be ni aha naa huu aagu e iloo, gai au ga tala adu gi de goe.”

Proverbs 16:28

Tangada hadu muna e hai ga dee heloongoi dangada, gai tangada hai samu e hagabaubau magavaa o denga hai soa.

Proverbs 19:13

Tama lodo senga e hagahai ngadaa dono damana, gai de hine dau bodu lodo hagadaumee e bei madaua vai e dee tuu laa de too iho.