Proverbs 17:15 - De Beebaa Dabu

¹⁵ Tangada e hagaheohi ina laa tangada haisala, gai e hagabaubau tangada heohi — Tagi Maolunga e kino i luu hegau nei ngaadahi.

Proverbs 17:15 Referans Kwoze

Exodus 23:7

Aude hagabaubau ina dahi i hanu muna hhadu, gai koe aude daia gi magau tangada e dee haisala ma de heohi, go hiidinga au e dee degi ange naa donu gi tangada e haia hegau nei.

Isaiah 5:23

go gilaadeu e degi ange gi tangada gu haisala i hiidinga o de ngadi gaavange hagasenga, aagai e dee hagamodu muna o tangada tigi haisala i de mee heohi.

Proverbs 18:5

E dee danuaa doo hagabuni ange gi tangada baubau, aabe go de hagamodu muna o tangada tigi haisala i mee dee heohi.

Amos 6:12

E aha, denga hoosa e saavini laa i honga hadu? E aha, tangada e hagabalabala laa kilaa i denga kaau daane? Aagai goodou gu hai de hagamodu heohi gi se mee hagammau gai e hai denga hegau heohi gi ni mee mmala —

Proverbs 15:8

Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

James 5:6

Goodou ne hagabaubau ma de daa ga magau tangada tigi haisala, gai ia tee hai baasi adu donu gi goodou.

Romans 4:5

Aagai tangada e dee hai hegau, gai ia e hagadonusia de Maadua e hagaheohi ina laa de gau baubau, gai dono gai e dau ia gi se dangada e heohi,

Amos 5:12

Au e iloo taelodo o oodou hegau baubau, ma de lagolago oodou haisala. Goodou e hagaduasala gilaadeu e heohi gai e kave mee ngadi gaavange hagasenga, goodou e dee hagamodu muna o de gau hagaau aloha i de heohi, i de haitoga o de aduhale.

Amos 5:7

Goodou dangada e suuia de hagamodu heohi gi bei de mee mmala ma de dagadagahi gi honga de gelegele de mee heohi —

Proverbs 6:16

E ono mee o Tagi Maolunga e kino ai, gai e hidu mee hakino gee i ono daha:

1 Kings 21:13

Gai luu daane baubau laa ne loomai ga nnoho i ono gaogao, gai gilaau ga hagabaubau Naboth i madamada o dangada, ga hagataba, “Naboth gu basa hagamaolunga i de Maadua ma de hodooligi.” Gai gilaadeu ga kave ia gi tua de aduhale ga maga ia gu magau i denga hadu.

Proverbs 11:1

Tagi Maolunga e kino i de mee hagahidi hagasenga, aagai e malangilangi i de mee hagahidi e heohi abodonu.

Psalm 94:21

Gilaadeu e hagabuni e hai baasi ange gi tangada heohi, ma de hagamodu e daa gi magau tangada e dee haisala.

Proverbs 17:26

E dee danuaa de hai tangada heohi gi hagao ina ono mee tee haisala ai; aabe go de hagaduasala denga dagi e haia de mee heohi.

Proverbs 31:5

kana unu gilaadeu ga ssenga ga ngalo denga hainga gu hagasauaa, gai gilaadeu ga kave gee de heohi o dangada alodahi e duasala.

Isaiah 5:20

E vakaa naa gilaadeu e daalaa bolo de baubau go tanuaa, gai tanuaa go de baubau, gilaadeu e tala bolo de gohu go de maalama gai de maalama go de gohu, gai gilaadeu e tala bolo de mee mmala e mee maimai, gai de mee maimai e mmala.

Lamentations 3:35

ma tee hagamodu muna o dangada i de heohi i mada luu mada o de Ia Maolunga Mmao laa,

Deuteronomy 25:1

Noo gu dee heloongoi dangada i dahi mee, gai gilaadeu gi gaavee de mee laa gi de mommee hagamodu muna, gai de gau hagamodu muna ga hagamodu ai mee i olaadeu magavaa; gilaadeu gi degi ange gi tangada e dee haisala, gai ga hagaduasala tangada iai ssala.

Ezekiel 13:19

Goodou ne hagangadi mee au i magavaa o dogu huaadangada i hiidinga o hanu momo barley ma hanu amuamu pelaoaa. Goodou ne daa dangada e dee heohi de daa gi maakau, aagai ne hagaola dangada e dee heohi de dugu gi mouli, i doodou hadu muna ange gi ogu dangada e hagalaangona oodou muna hhadu.