Proverbs 17:10 - De Beebaa Dabu

¹⁰ Tangada heiangi e maua ange i de kave dono hagaheohi ina i e dahi hanonga, i de hagailiilia o tangada lodo senga i e lau hanonga.

Proverbs 17:10 Referans Kwoze

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.

Proverbs 29:19

Denga muna e dee maua i de hagaheohi tangada hai hegau, go hiidinga e dee galemu naa donu dono donu ange, aagai ia e dee anga ange naa donu aagena.

Proverbs 27:22

Ga dugidugia naa donu e goe tangada lodo senga i lo te mommee tugi, i magavaa o denga grain, gai e dee maua donu i de aau gee de lodo senga i ono daha.

Proverbs 19:25

Hagailiilia tangada doo mee, gi heiangi ai tangada lodo senga; hagaseegina tangada heiangi, gai e kii ange naa dono iloo mee.

Proverbs 15:5

Tangada lodo senga e hagangadi mee de haelenga a dono damana, aagai tangada e anga ange laa gi dono hagaheohi ina se dangada maanetonu.

Proverbs 13:1

Tama daane heiangi e hagallongo agoago a dono damana, aagai tama hagamanege e hagangadi mee dono hagaseegina.

Psalm 141:5

De hagaili a tangada heohi au, e bei donu dono abodonu mai; dana hagasee au, e bei donu de lolo e hagasulu ai laa dogu biho; gai au e dee hagaui gee ai donu. Gai au e duudagi naa donu de dalodalo e hai baasi ange ai gi dangada e haia de baubau.

Proverbs 17:9

Tangada e degi ange laa gi haisala o dahi e ssala de hagadau aaloha, aagai tangada adi longo e vvae magavaa o denga hai soa.

Proverbs 17:11

Tangada baubau e ssala de hai gi hai baasi dangada, gai dahi dangada alasala e hai naa gi hano gi hagaduasala ina ia.