Proverbs 16:8 - De Beebaa Dabu

⁸ E danuaa ange doo hagaau aloha, gai koe e hai hegau i de mee heohi, i dau mau goloa lagolago gai koe e dee hai hegau i de hagamodu heohi.

Proverbs 16:8 Referans Kwoze

Proverbs 15:16

E danuaa ange de sogoisi oo goloa gai koe e madagu i Tagi Maolunga, i de lagolago oo goloa gai koe e dee baba oo lodo.

Psalm 37:16

Momo goloa o tangada heohi e danuaa ange i de lava o de gau baubau soa;

Jeremiah 17:11

Tangada e hagaduulia dono lava i hegau dee heohi, e bei dagodo o de manu lele go de partridge e baalasi laa ga masae denga ngago aana tee haanau. Gai de masavaa oona goi mmahi ai, gai gilaadeu ga tili ia, gai dono hagaodi e bei dagodo o tangada lodo senga.

Micah 6:10

E aha, e maua e au i de hagangalo goloa i de hale o tangada baubau, ne maua i hegau dee heohi, ma de ephah e dee odi ange ma de hagabaubau ina?

Proverbs 16:7

De masavaa naa huu a tangada e hai ai ga malangilangi Tagi Maolunga, gai ia e hai donu hogi ono hagadaumee gi hagadanuaa ange gi de ia.

Proverbs 16:9

Tangada e hai denga hagatau i ono lodo, aagai go Tagi Maolunga e hilihilia de hai e hai ai.

Ecclesiastes 4:6

De lima e honu laa i de noho baba, e danuaa ange i lodo luu lima e hoohonu laa i denga hegau kona, ma de ngadi doolohi a tangada de madangi.

Proverbs 15:17

E danuaa ange de haigai e hai denga manu ssomo, gai dangada e hagadau aaloha, i de haigai e hai i de kaau bedi gai dangada e hagadau kino.

Proverbs 17:1

E danuaa ange dau gai de bagu pelaoaa gai e noho i de mommee iai de baba ma de malino, i doo noho i dahi hale e hai ai taonga gai dangada iai e hagadaumee.

Proverbs 28:6

Tangada hagaau aloha e hai hegau laa i de mee heohi e danuaa ange i tangada lava e dee hai hegau laa i de mee abodonu.